ចាប់បានឃាតករសម្លាប់ស្ត្រីម្នាក់ក្នុងបន្ទប់ផ្ទះសំណាក់«អូយេស»
រាជធានីភ្នំពេញ៖កម្លាំងនគរបាលនៃស្នងការដ្ឋាននគរបាលរាជធានីភ្នំពេញបានឃាត់ខ្លួណជនសង្ស័យដែលបានសម្លាប់ស្ដ្រីម្នាក់ក្នុងផ្ទះសំណាក់ «អូយេស» ដែលការឃាត់នេះធ្វើឡើងនៅព្រឹកថ្ងៃទី២៩ ខែតុលា ឆ្នាំ២០១៦នេះ ក្នុងប្លុកបឹងឈូក សង្កាត់ទឹកថ្លា ខណ្ឌសែនសុខ។
សមត្ថកិច្ចបានឲ្យដឹងថា ជនសង្ស័យដែលខ្លួនឈ្មោះ ចាន់ សុភ័ក្រ ត្រូវជាសង្សាជាមួយ នារីរងគ្រោះតាំងពីឆ្នាំ២០១៤មកម្ល៉េះ។ សមត្ថកិច្ចបញ្ជាក់ថា បើឆ្លើយសារភាព របស់ជនសង្ស័យឲ្យដឹងថា មូលហេតុដែលនាំឲ្យខ្លួនសម្លាប់ស្ដ្រីខាងលើ ក៏ព្រោះតែមានទំនាស់នឹងគ្នា ហើយជនសង្ស័យក៏បានច្របាច់កសម្លាប់ចោលតែម្ដង។
បច្ចុប្បន្ន ជនសង្ស័យត្រូវបានកម្លាំងនគរបាលជំនាញ បញ្ជូនខ្លួនទៅសួរនាំបន្ថែម ដើម្បីកសាងសំណុំរឿងចាត់ការបន្ដ៕
