ដោយ៖បញ្ញា
ភ្នំពេញ៖អ្នកឡើងត្នោតម្នាក់បានប្រទះឃើញទារិកាអភព្វម្នាក់ដែលទើបនឹងកើតត្រូវបានគេយកមកវិចខ្ចប់ជាមួយនិងអាវច្រកកាបូបស្ពៀពណ៍ផ្កាឈូក តែអ្វីដែលគួរអោយស្តោកស្តោយគឺទារិកានោះបានដាច់ខ្យល់ស្លាប់រួចទៅហើយ
ហេតុការ៍នេះបានបង្កអោយមានការភ្ញាក់ផ្អើលកាលពីវេលាម៉ោង៦ព្រឹកថ្ងៃទី៣ ខែវិច្ឆិកា ឆ្នាំ២០១៦នេះនៅចំណុចគុម្ពព្រៃមួយនៅមុខវត្តជន្លង់ម្លូរក្នុងភូមិព្រៃរងៀងសង្កាត់ភ្លើងឆេះរទេះខណ្ឌពោធិ៍សែនជ័យ។
បុរសឡើងត្មោតដែលបានប្រទះឃើញទារិកានោះឈ្មោះ រឿន រ៉ន អាយុ៣៧ឆ្នាំមុខរបរជាអ្នកឡើងត្នោត បានរៀបរាប់អោយដឹងមុនពេលកើតហេតុរូបខ្លួនទៅយកទឹកត្នោតដូចសព្វដងនៅពេលដែលឆ្លងកាត់កន្លែងកើតក៏បានប្រទះឃើញកាបូបស្ពៀពណ៌ផ្កាឈូមួយនៅក្បែរគុម្ពព្រៃហើយរូបបានទៅបើកមើលក៏ឃើញទារិកានៅក្នុងនោះតែម្តងទើបរាយការណ៍ទៅអជ្ញាធរតែម្តង។
ក្រោយពេលកើតហេតុអជ្ញាធរមូលដ្ឋានបានចុះទៅដល់កន្លែងកើតហេតុហើយបានរៀបចំសពទារិកានោះទៅតាមប្រពៃណីរីឯប្រជាពលរដ្ឋបានឧទ្ទិកុសលអោយសពទារិកានោះទៅបានសុខកត្តិភព កុំអោយជាតិក្រោយកើតមកជួបម្តាយបែបនេះ៕
