អតីតរដ្ឋមន្ត្រីការពារជាតិអាមេរិកក្នុងអំឡុងសង្គ្រាមនៅវៀតណាមទទួលមរណភាព
វ៉ាស៊ីនតោន៖អតីតរដ្ឋមន្ត្រីការពារជាតិអាមេរិកនៅក្នុងជំនាន់ប្រធានាធិបតីទី៣៧ នៃសហរដ្ឋអាមេរិក លោក Melvin Laird បានទទួលមរណភាពនៅថ្ងៃព្រហស្បនេះក្នុងវ័យ ៩៤ឆ្នាំនៅរដ្ឋផ្លូរីដា។ នេះបើយោងតាមទីភ្នាក់ងារព័ត៌មាន Reuters ចេញផ្សាយនាព្រឹកថ្ងៃព្រហស្បតិ៍ ទី១៧ ខែវិច្ឆិកា ឆ្នាំ២០១៦នេះ។
លោក Laird បានកាន់តំណែងជារដ្ឋមន្ត្រីការពារជាតិចាប់ពីឆ្នាំ១៩៦៩ ដល់ ឆ្នាំ១៩៧៣ អំឡុងពេលដែលសង្គ្រាមវៀតណាមបានបង្កឲ្យមាន ការធ្វើបាតុកម្មតវ៉ាទ្រង់ទ្រាយធំជាច្រើននៅសហរដ្ឋអាមេរិក ហើយជាងនេះទៅទៀតសង្គ្រាមដែលកាលនោះ បានហែកហួរប្រទេសវៀតណាមជាពីរចំណែកបានបណ្តាលឲ្យអាមេរិក ខាតបង់ធនធានហិរញ្ញវត្ថុយ៉ាងធ្ងន់ធ្ងរ និងបានបាត់បង់កម្លាំងទ័ពរបស់ខ្លួនរាប់ម៉ឺននាក់នៅក្នុងសង្គ្រាមបរទេសមួយនេះ៕
