ភ្នំពេញ៖បុរសម្នាក់ដែលជាបុគ្គលិក Hotel cambodiana ត្រូវបានរថយន្តបុកស្លាប់ភ្លាមៗខណៈកំពុងតែជិះម៉ូតូចេញពីផ្ទះនៅឯខេត្តកណ្តាលចូលមកធ្វើការនៅភ្នំពេញ លុះដល់ពាក់កណ្តាលផ្លូវនៅចំណុចផ្លូវ៦០ម៉ែត្រ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ កាលពីវេលាម៉ោង៥ទៀបភ្លឺថ្ងៃទី២២ ខែវិច្ឆិកា ឆ្នាំ២០១៦។
ប្រភពព័ត៌មាននៅកន្លែងបានឲ្យដឹងថា រថយន្តមួយគ្រឿងម៉ាកTacomaពណ៌ទឹកមាសពាក់ស្លាកលេខ PP2Y9321 បើកបរពីជើងទៅត្បូងបានបុកបុរសខាងលើដែលជិះម៉ូតូម្នាក់ឯងម៉ាកC125ពណ៌ខ្មៅពាក់ស្លាលេខ កណ្តាល1D9388ដែលធ្វើដំណើរបញ្ច្រាសទិសគ្នាបណ្តាលអោយបុរសអ្នកជិះម៉ូតូស្លាប់គៀបជាប់ជាមួយម៉ូតូរបស់ខ្លួន ចំណែកអ្នកបើកបេរថយន្តខាងលើបានបើកទ្វាររថយន្តគេចខ្លួនបាត់ស្រមោលឈឹង។ ចំណែកសពបុរសខាងលើមានកាតរបស់សណ្ឌាគារជាប់និងខ្លួន មានឈ្មោះ សួន សុភាព អាយុ៣០ឆ្នាំ។
ក្រោយពេលកើតហេតុសមត្ថកិច្ចនគរបាលចរាចរណ៍ខណ្ឌមានជ័យ និងនគរបាលចរាចរណ៍ជើងគោករាជនីភ្នំពេញបានចុះមកធ្វើការវាស់វែងនៅកន្លែងកើតហេតុ និងយករថយន្ត និងម៉ូតូទៅរក្សាទុកនៅការិយាល័យចរាចរណ៍រាជនីភ្នំពេញដើម្បីធ្វើការដោះស្រាយគ្នានៅពេលក្រោយ ចំណែកសពបុរសខាងលើសមត្ថកិច្ចកំពុងស្រាវជ្រាវរកក្រុមគ្រួសារសាច់ញាតិយកទៅធ្វើបុណ្យតាមប្រពៃណី៕
