មនុស្ស៤០នាក់ស្លាប់ក្នុងហេតុការណ៍រលំប៉មរោងចក្រអគ្គិសនីនៅចិន
ប៉េកាំង៖ទីភ្នាក់ងារសារព័ត៌មានចិនស៊ិនហួរបានរាយការណ៍នាព្រឹកថ្ងៃព្រហស្បតិ៍ ទី២៤ ខែវិច្ឆិកា ឆ្នាំ២០១៦ថា យ៉ាងហោចណាស់មនុស្ស៤០នាក់បានស្លាប់ភ្លាមៗនៅនឹងកន្លែង ខណៈដែល២នាក់ផ្សេងទៀតបានរងរបួសនៅក្នុងហេតុការណ៍បាក់រលំប៉មបញ្ចុះសីតុណ្ហភាព នៅឯស្ថានីយ៍ថាមពលអគ្គីសនីមួយកន្លែងស្ថិតនៅក្នុង ទីក្រុង Fengcheng នៃខេត្តជាំងស៊ី ភាគអាគ្នេយ៍ប្រទេសចិន។
អាជ្ញាធរចិនបាននិយាយថា ហេតុការណ៍នេះកើតឡើងនៅម៉ោងប្រមាណជា ៧ និង០០នាទីព្រឹកនេះ ។ អាជ្ញាធរបញ្ជាក់ថា ពេលនេះអាជ្ញាធរនៅក្នុងតំបន់កំពុងដុតដៃដុតជើងក្នុងប្រតិបត្តិការជួយសង្គ្រោះ ខណៈ មូលហេតុនៃគ្រោះថ្នាក់នេះ កំពុងស្ថិតនៅក្រោមការស៊ើបអង្កេតនៅឡើយ៕
