ភ្នំពេញ៖បុរសម្នាក់បានរងរបួសបាក់ភ្លៅខាងស្តាំក្នុងហេតុការណ៍គ្រោះចរាចរណ៍រវាងម៉ូតូ និងរថយន្ត កាលពីវេលាម៉ោងជិត៨ និង៣០នាទី ថ្ងៃទី១ ខែធ្នូ ឆ្នាំ២០១៦ នៅចំណុចផ្លូវវែងស្រេង ភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះឈ្មោះ សិទ្ធ វីរៈ អាយុ២១ឆ្នាំ មុខរបរជាប្រធានក្រុម ក្នុងសិប្បកម្មមួយកន្លែង បច្ចុប្បន្នស្នាក់នៅក្នុងភូមិជ្រៃកោង សង្កាត់ចោមចៅ ខណ្ឌពោធិ៍ជ័យ ធ្វើដំណើរដោយទោចក្រម៉ាកហុងដាឌ្រីម២០១៥ស្លាកលេខកណ្តាល1B3053។
អ្នកឃើញហេតុការណ៍និយាយថា មុនពលកើតគឺបានឃើញម៉ូតូខាងលើធ្វើដំណើរក្នុងទិសដៅពីលិចទៅកើតក្នុងល្បឿនយ៉ាងលឿនខណៈមកដល់ចំណុចកើតហេតុជាន់ហ្វ្រាំងមិនទាន់ជ្រុលទៅបុករថយន្តម៉ាកFUSOស្លាកលេខកោះកុង3A0537តែម្តង បណ្តាលឲ្យអ្នកបើកបរម៉ូតូរងរបួសបាក់ភ្លៅខាងស្តាំ។ចំណែករថយន្តមិនត្រូវបានឈប់នៅកន្លែងកើតហេតុទេគឺបានបន្តបើកចូលក្នុងដីឡូតិ៍ជាប់ផុងទៅរួចទើបប្រជាពលរដ្ឋឃាត់បានតែម្តង។
ក្រោយកើតហេតុរងគ្រោះត្រូវបានរថយន្តសង្គ្រោះបន្ទាន់ង៧០-៧១១ដឹកទៅសង្គ្រោះនៅមន្ទីរពេទ្យបង្អែកពោធិ៍ចិនតុង ចំណែករថយន្ត និងម៉ូតូត្រូវបានសមត្ថកិច្ចវាស់វែងបន្តរងចាំដោះស្រាយគ្នាជាក្រោយ៕ដោយ៖បញា
