រាជធានីភ្នំពេញ៖មនុស្ស៣នាក់បានស្លាប់ ខណៈដែល៤នាក់ផ្សេងទៀតរងរបួសធ្ងន់ នៅក្នុងគ្រោះថ្នាក់ចរាចរណ៍ដ៏រន្ធត់មួយ ដែលកើតឡើងរវាងម៉ូតូ២គ្រឿង បុកគ្នាយ៉ាងពេញទំហឹង នៅលើផ្លូវជាតិលេខ៤ ត្រង់មុខបុរីសែនមនោរម្យ នាម៉ោងជាង១រំលងអធ្រាត្រឈានចូលថ្ងៃទី៦ ខែធ្នូ ឆ្នាំ២០១៦ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ។
តាមប្រភពព័ត៌មាននៅកន្លែងកើតហេតុបាននិយាយថា គេឃើញម៉ូតូទាំង២គ្រឿងបើកបញ្ច្រាសទិសគ្នា ក្នុងល្បឿយ៉ាងលឿន លុះបើកមកដល់ចំណុចកើតហេតុស្រាប់តែម៉ូតូ Dream C125 វ៉ារថយន្តមួយគ្រឿង ដែលនៅខាងមុខមិនផុតក៏បានជ្រុលទៅបុកម៉ូតូ Smash យ៉ាងពេញទំហឹងបណ្តាលឲ្យស្លាប់២នាក់ភ្លាមៗនៅនឹងកន្លែងផងដែរ និងម្នាក់ទៀតត្រូវស្លាប់បន្តពេលដឹកយកទៅសង្គ្រោះ នៅមន្ទីរពេទ្យផងដែរ។
សម្រាប់អ្នករងរបួសធ្ងន់៤នាក់ទៀត ត្រូវបានដឹកយកទៅសង្គ្រោះបន្ទាន់នៅមន្ទីរពេទ្យ។ ក្រោយកើតហេតុសពត្រូវបានក្រុមគ្រួសារ មកទទួលយកទៅធ្វើបុណ្យតាមប្រពៃណី នៅនៅស្រុកំណើត។ ចំណែកមធ្យាបាយធ្វើរដំណើរទាំង២ ត្រូវបានសមត្ថកិច្ចជំនាញចុះមកវាស់វែង និងស្ទួចយកទៅរក្សារទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំដោះស្រាយគ្នានៅពេលក្រោយ៕
