កងទ័ពអ៊ីរ៉ាក់ដណ្តើមបានសង្កាត់មួយនៅក្នុងទីក្រុងម៉ូស៊ូល
អ៊ីរ៉ាក់៖កងទ័ពអ៊ីរ៉ាក់បាននិយាយថា កាលពីម្សិលមិញខ្លួនបានដណ្ដើមគ្រប់គ្រងសង្កាត់ហ្គាឌីស៊ីយ៉ា២ត្រឡប់មកពីក្រុមរដ្ឋអ៊ីស្លាមដែលស្ថិតនៅភាគខាងកើតនៃទីក្រុងម៉ូស៊ូលនៃប្រទេសអ៊ីរ៉ាក់។
កងទ័ពអ៊ីរ៉ាក់ម្នាក់បាននិយាយនៅជិតសាកសពក្រុមយុទ្ធជនរដ្ឋអ៊ីស្លាមថា ក្រុមសកម្មប្រយុទ្ធបាននិងកំពុងបាញ់ប្រហារចេញពីក្នុងផ្ទះនៅក្បែរៗនោះដើម្បីទប់ស្កាត់កុំឲ្យកងទ័ពអ៊ីរ៉ាក់វាយសម្រុកទៅដល់ជាយទីក្រុងនេះ។
តាមតួលេខអង្គការសហប្រជាជាតិបាននិយាយថា រហូតមកដល់ពេលនេះជនស៊ីវិលជិត៧ម៉ឺននាក់ហើយដែលបានរត់ចេញពីទីក្រុងម៉ូស៊ូលនេះ ខណៈមនុស្សរាប់ម៉ឺននាក់ទៀតកំពុងស្ថិតនៅក្នុងទីក្រុងនេះនៅឡើយ៕
