ភ្នំពេញ៖ លោក សូរិយា ស៊ូប៊ែឌី អ្នក រាយការណ៍ពិសេសរបស់អង្គការ សហប្រជាជាតិទទួលបន្ទុកសិទ្ធិមនុស្សនៅកម្ពុជា បានអំពាវនាវនៅថ្ងៃទី ២០ មករា ឲ្យ អ្នកនយោបាយខ្មែរ បន្តវប្បធម៌សន្ទនា គ្នា ដើម្បីដោះស្រាយបញ្ហាខ្វែងគំនិតនានា ដែលកើតមានឡើង និង ដើម្បីពង្រឹងលទ្ធិប្រជាធិបតេយ្យនៅកម្ពុជា។
កាលពីថ្ងៃទី ១៨ មករា លោក កឹម សុខា អនុប្រធានគណបក្សសង្គ្រោះជាតិ បានរិះគន់ថា សម្តេចតេជោ នាយករដ្ឋមន្ត្រី ហ៊ុន សែន ថា ជាអ្នកដឹកនាំ បំផ្លាញប្រទេសជាតិ។ មួយថ្ងៃក្រោយមក សម្តេចតេជោ នាយករដ្ឋមន្ត្រី បាន ឆ្លើយតបវិញ ថា ជាការនិយាយមិនពិត ហើយ សម្តេចលោកបាន ព្រមាន ថា សមាជិកសភា ៧រូប របស់ គណបក្សសង្គ្រោះជាតិ នៅជាប់បណ្តឹងអាជ្ញា របស់ តុលាការ ទាក់ទងរឿង ការវាយគ្នា នៅស្ពាននាគ វត្តភ្នំ នៅឡើយ។
សម្តេចបាន មានប្រសាសន៍ទៀតថា មកទល់ពេលនេះ វប្បធម៌សន្ទនា គ្នា រវាង អ្នកដឹកនាំគណបក្សនយោបាយទាំងពីរ មើលទៅមិនអាចបន្តទៀតបានទេ៕ N M
