ដោយ៖ប៉ែន សុផល
បាត់ដំបង៖កំលាំងមូលដ្ឋានកងរាជអាវុធហត្ថស្រុកឯកភ្នំសហការណ៍ជាមួយមន្ទីរកសិកម្ម.ខណ្ឌរដ្ឋបាលជលផលប៉ូលីសសេដ្ឋកិច្ចខេត្ត ប៉ូលីសស្រុក ផ្នែកសឹករងស្រុក យោធភូមិភាគទី៥ ប៉ូលីសចរាចរណ៍ជើងទឹក សហគនមន៍សហព័ន្ធ ឃុំកោះជីវាំង អភិបាលរងស្រុកសង្កែ អភិបាលស្រុកឯកភ្នំសរុប៨០នាក់បានចុះប្រតិបត្តិការបង្ក្រាបបទល្មើសនេសាទជាលក្ខណៈទ្រង់ទ្រាយធំនៅចំណុចឃុំកោះជីវាំង ស្រុកឯកភ្នំ ខេត្តបាត់ដំបង។
លោក ណាប់ ស៊ីថា មេបញ្ជាការកងរាជអាវុធហត្ថស្រុកឯកភ្នំបានបញ្ជាក់អោយដឹងថា នៅក្នុងកិច្ចប្រតិបត្តិការបង្ក្រាបបទល្មើសនេសាទខាងលើនេះដែរបានធ្វើឡើងកាលពីថ្ងៃទី២១ ខែធ្នូ ឆ្នាំ២០១៦នៅចំណុចភូមិកោះជីវាំង ឃុំកោះជីវាំង ស្រុកឯកភ្នំ ខេត្តបាត់ដំបងក្រោមការដឹកនាំចុះផ្ទាល់ពី ឯកឧត្តម ប៊ុត គឹមស៊ាន អភិបាលរងខេត្តដំបង ។ លោកបន្តថា ក្នុងកិច្ចចុះប្រតិបត្តិការខាងលើបទល្មើសជាក់ស្តែងជាលទ្ធផលសមត្ថកិច្ចបានធ្វើការកាប់បំផ្លាញសាច់ម៉ងចំនួន៥៥០០ ម៉ែត្រ។ កាប់បំផ្លាញបង្គោល ចំនួន ២២០០ ដើម។ កាប់បំផ្លាញឡុកចាប់ត្រីចំនួន៥ គ្រឿង និងកាប់បំផ្លាញជម្រកស្នាក់នៅរបស់ជនល្មើសបានចំនួន០៣កន្លែង៕
