អ៊ីរ៉ាក់៖ការប្រយុទ្ធគ្នាដើម្បីដណ្ដើមគ្រប់គ្រងទីក្រុងម៉ូស៊ូលនៃប្រទេសអ៊ីរ៉ាក់នៅតែបន្តធ្វើយ៉ាងក្តៅគគុកកាលពីម្សិលមិញ ខណៈដែលកងកម្លាំងអ៊ីរ៉ាក់កំពុងសម្រុកចូលក្នុងសង្កាត់អាល់កាម៉ានៃទីក្រុងម៉ូស៊ូលដើម្បីបណ្ដេញក្រុមរដ្ឋអ៊ីស្លាមចេញពីទីក្រុងមួយនេះ។
ចាប់តាំងប្រតិបត្តិការនៅក្នុងទីក្រុងម៉ូស៊ូលបានចាប់ផ្ដើមកាលពីថ្ងៃទី១៧ខែតុលាឆ្នាំ២០១៦មកទល់នឹងពេលនេះកងកម្លាំងនៃប្រទេសអ៊ីរ៉ាក់បានដណ្ដើមគ្រប់គ្រងដែនដីប្រហែល១ភាគីនៃទីក្រុងនេះត្រឡប់មកពីក្រុមរដ្ឋអ៊ីស្លាមវិញហើយ។
គួរបញ្ជាក់ថា ទីក្រុងម៉ូស៊ូលគឺជាទីក្រុងធំបំផុតទី២នៅប្រទេសអ៊ីរ៉ាក់ ហើយក៏ជាតំបន់ក្រុងដ៏សំខាន់ចុងក្រោយរបស់ក្រុមរដ្ឋអ៊ីស្លាមនៅក្នុងប្រទេសនេះផងដែរ ហើយកងកម្លាំងអ៊ីរ៉ាក់ក្រោមការគាំទ្រពីសហរដ្ឋអាមេរិកសង្ឃឹមថានឹងអាចវាយបណ្ដេញក្រុមជ្រុលនិយមនេះចេញពីទីក្រុងម៉ូស៊ូលនៅរយៈពេល៣ខែទៀត៕
