ដោយ៖ប៉ែន សុផល
បាត់ដំបង៖យ៉ាងហោចណាស់មនុស្សប្រុសស្រីចំនួន៦នាក់បានរងរបួសធ្ងន់ និងស្រាលនៅក្នុងហេតុការណ៍គ្រោះថ្នាក់ចរាចរណ៍រវាងម៉ូតូ២គ្រឿងបុកគ្នាពេញទំហឹងក្នុងស្រុកសំឡូត។
សមត្ថកិច្ចបាននិយាយថា ហេតុការណ៍គ្រោះថ្នាក់ចរាចរណ៍ខាងលើបានកើតឡើងនៅវេលាម៉ោង១៣ និង២០នាទីថ្ងៃទី១២ ខែមករា ឆ្នាំ២០១៧នៅចំណុចអូរថក្រោះ ស្ថិតក្នុងភូមិឆករការ ឃុំសំឡូត ស្រុកសំឡូត ខេត្តបាត់ដំបង។
ប្រភពដដែលបន្តថា គ្រោះថ្នាក់នេះបង្កឡើងរវាងម៉ូតូម៉ាកសង់C125ពណ៌ខ្មៅជិះគ្នា២នាក់បុក និងម៉ូតូម៉ាកវ៉េវពណ៌ខ្មៅជិះគ្នា៤នាក់ក្នុងទិសដៅច្រាស់គ្នាបណ្ដាលអោយ រងរបួសធ្ងន់ និងស្រាលតែម្តង។ ប្រភពបញ្ជាក់ថា ជនរងគ្រោះនៅក្នុងហេតុការណ៍រួមមាន៖ ទី១ឈ្មោះ សាក់ ពៅ ភេទប្រុស អាយុ៤៣ឆ្នាំ។ ទី២ឈ្មោះ យិ យិម ភេទស្រី អាយុ៦៤ឆ្នាំ ទាំងពីរនាក់រស់នៅភូមិឆករកា ឃុំសំឡូត ស្រុកសំឡូត ខេត្តបាត់ដំបង។ ទី៣ឈ្មោះ ផល ជឿន ភេទប្រុសអាយុ១៥ឆ្នាំ។ ទី៤ឈោះ ជាង ជួន ភេទប្រុសអាយុ៤៧ឆ្នាំ។ ទី៥ឈ្មោះផល ម៉ៅ ភេទប្រុសអាយុ១៧ឆ្នាំ និងទី៦ឈ្មោះ តេ ឈិត ភេទប្រុសអាយុ១០ឆ្នាំទាំងបួននាក់រស់នៅភូមិអូរទទឹម ស្រុកសំឡូត ខេត្តបាត់ដំបង។
ក្រោយពេលកើតហេតុសមត្ថកិច្ចបានចុះទៅដល់កន្លែងកើតហេតុធ្វើការវាស់វែង និងនាំជនរងគ្រោះរបួសធ្ងន់២នាក់ទៅសង្គ្រោះបន្ទាន់នៅមន្ទីរពេទ្យបង្អែកខេត្តបាត់ដំបង ចំណែក៤នាក់រងរបួសស្រាលបានយកទៅសំរាកព្យាបាលនៅមណ្ឌលសុខភាណឆករការក្នុងស្រុកសំឡូត៕
