សាំងយ៉ុងដឹកអ្នកដំណើរបុករថយន្តដឹកដំឡូងស្លាប់៥នាក់ របួស៧នាក់
ខេត្តព្រៃវែង៖នៅវេលាម៉ោងប្រមាណ៨ព្រឹកថ្ងៃទី១៣ ខែមករា ឆ្នាំ២០១៧នេះមានគ្រោះថ្នាក់ចរាចរណ៍ រវាងរថយន្តសាំងយ៉ុងដឹកអ្នកដំណើរបុកជាមួយរថយន្តដឹកដំឡូងបណ្តាលឲ្យមនុស្សស្លាប់៥នាក់ និងរបួស៧នាក់នៅតាមផ្លូវជាតិលេខ៨ ស្រុកពារាំង។
តាមប្រភពព័ត៌មាននៅកន្លែងកើតហេតុបានឲ្យដឹងថា រថយន្ដសាំងយ៉ុងជាប្រភេទរថយន្ដឈ្នួល ដឹកអ្នកដំណើរនៅស្រុកកែវសីម៉ា ខេត្តមណ្ឌលគិរី ធ្វើដំណើរពីភ្នំពេញទៅស្រុកកែវសីម៉ា លុះដល់ចំណុចកើតហេតុបើកជែងគេ ក៏បុកជាមួយរថយន្ដកុងទឺន័រដែលបើកបរបញ្ច្រាសទិសគ្នាពេញទំហឹងតែម្ដង។
បើតាមលោកស្នងការ គ្រោះថ្នាក់នេះកើតឡើងដោយអ្នកបើករថយន្តសាំងយ៉ុង ជែងគេ ហើយជ្រុលទៅបុករថយន្តដឹកដំឡូងតែម្តង៕
