ខេត្តបន្ទាយមានជ័យ៖អាជ្ញាធរថៃបានចាប់ផ្សឹក និងបញ្ជូនព្រះសង្ឃខ្មែរចំនួន៨អង្គទៅកាន់អង្គភាពជំនាញនៃប្រទេសថៃ ដោយចោទប្រកាន់ពីបទលបចូលប្រទេសថៃ ដោយខុសច្បាប់ ព្រមទាំងបានប្រព្រឹត្តល្បែងស៊ីសង ខណៈដែលព្រះសង្ឃទាំងអស់ កំពុងវាទវង់លេងល្បែងស៊ីសងនៅក្នុងព្រៃ។
សមត្ថកិច្ចកម្ពុជា បានឱ្យដឹងថា នៅល្ងាចថ្ងៃទី១៧ ខែមករា ឆ្នាំ២០១៧ ប្រជាពលរដ្ឋថៃប្រទះឃើញព្រះសង្ឃជាច្រើនអង្គកំពុងនិមន្តបិណ្ឌបាត និងមានការសង្ស័យជាព្រះសង្ឃក្លែងក្លាយ ស្ថិតនៅត្រង់ចំណុចផ្លូវលួងផែង សង្កាត់ឡតក្រាក់បាំង ក្នុងខេត្តសមុទ្រប្រាកាន ជិតទីក្រុងបាងកកប្រទេសថៃ ហើយបានរាយការណ៍ ទៅអាជ្ញាធរថៃដើម្បីសាកសួរ និងឃាត់ខ្លួន ។
ព្រះសង្ឃត្រូវបានសមត្ថកិច្ចថៃចាប់ទី១ ឈ្មោះ ឯម រឿង, ទី២ ឈ្មោះ ឆាន់ ស៊ីណា ,ទី៣ ឈ្មោះ ឆាន់ កៀត, ទី៤ ឈ្មោះ ស៊ឹម សារៈ ,ទី៥ឈ្មោះ ង៉ែត ផ្លយ, ទី៦ ឈ្មោះ ឆាត់ កុត ,ទី៧ ឈ្មោះ ឈួន ប៊ុនរិទ្ធ, និងទី៨ ឈ្មោះ ក្រេង ចិត្រា ដ ។
បច្ចុប្បន្ននេះ អាជ្ញាធរថៃបាននាំព្រះសង្ឃទាំងអស់ ទៅប្រគល់អោយអង្គភាពធម្មការថៃ ដើម្បីធ្វើការផ្សឹក និងបញ្ជូនខ្លួន ទៅកាន់តុលាការចាត់ការតាមនីតិវិធីច្បាប់៕
