ចាប់ផ្សឹក និងឃាត់ខ្លួនសង្ឃ៥អង្គលួចសេពគ្រឿងញៀន
ខេត្តស្វាយរៀង៖កម្លាំងនគរបាលនៃអធិការដ្ឋានស្រុកស្វាយទាបសហការជាមួយកម្លាំងកងរាជអាវុធហត្ថបានចុះបង្ក្រាប និងឃាត់លោកសង្ឃចំនួន៥អង្គ និងយុវជន២នាក់ផ្សេងទៀតខណៈកំពុងប្រើប្រាស់គ្រឿងញៀន។ ប្រតិបត្តិការនេះធ្វើឡើងនៅល្ងាចថ្ងៃទី២ ខែកុម្ភៈ ឆ្នាំ២០១៧ នៅចំណុចវត្តសុវណ្ណរង្សី ហៅវត្តពែតថ្មី ស្ថិតនៅភូមិ ថ្នល់កែង ឃុំពពែត ស្រុកស្វាយទាប ខេត្តស្វាយរៀង។
ក្រោយឃាត់ខ្លួន លោកសង្ឃទាំង៥អង្គត្រូវបានផ្សឹក និងបាននាំខ្លួនកាន់អធិការនគរបាល ស្រុកស្វាយទាប ដើម្បីកសាងសំណុំរឿង ចាត់ការតាមនីតិវិធី៕
