ដោយ៖ វិធិន
ក្រចេះ៖រថយន្តសាំយ៉ុងដឹកសប្បិកម្មកែច្នៃមួយគ្រឿង បើករត់គេចពីការប្រមាញ់របស់សមត្ថកិច្ច បើកលឿនជ្រុលទៅបុកសសរផ្ទះរបស់ប្រជាពលរដ្ឋបាក់ ហើយជ្រុលធ្លាក់ទៅជម្រៅផ្នែកខាងក្រោមផ្ទះ បង្ករអោយមនុស្សចំនួនបីនាក់គៀបជាប់ក្នុងរថយន្តរងរបួសធ្ងន់ស្រាលវេលាម៉ោង២ និង១០នាទីទៀបភ្លឺព្រឹកមិញនេះនៅចំណុចផ្លូវកែងទំនប់ ស្ថិតក្នុងសង្កាត់ក្រចេៈ ក្រុងក្រចេះ ។
បើតាមប្រភពពីប្រជាពលរដ្ឋនៅក្នុងហេតុការណ៍បានអោយដឹងថា រថយន្តសាំយ៉ុងដឹកសប្បិកម្មកែច្នៃខាងលើបានធ្វើដំណើរឆ្លងកាត់ក្រុងក្រចេះ មកដល់ចំណុចកើតហេតុខាងលើ ក៏ជ្រុលចង្កូតធ្លាក់ផ្លូវ ត្រូវបានគេសង្ស័យថា បើករត់គេចពីការប្រម៉ាញ់របស់សមត្ថកិច្ចដោយបើកបរក្នុងល្បឿនលឿនជ្រុលទៅបុកសសរផ្ទះរបស់ប្រជាពលរដ្ឋនៅចំណុចខាងលើបាក់ ហើយក៍ជ្រុលធ្លាក់ទៅជម្រៅផ្នែកខាងក្រោមផ្ទះបង្ករអោយមនុស្សចំនួនបីនាក់នៅក្នុងរថយន្តនោះ គៀបជាប់ក្នុងរថយន្តត្រូវបានសមត្ថកិច្ចមូលដ្ឋាននិងនគរបាលចរាចរណ៍ រួមជាមួយនិងអ្នកភូមិជួយអន្តរាគមន៍កោះចេញបញ្ជូនទៅសង្គ្រោះបន្ទាន់នៅមន្ទីពេទ្យបង្អែកខេត្តក្រចេះ ។
មន្ត្រីនគរបាលចរាច៍នៃស្នងការរដ្ឋាននគរបាលខេត្តបានអោយដឹងថារថយន្តសាំយ៉ុងខាងលើ ពាក់ស្លាក់លេខ ភ្នំពេញ២S៩៣២៧ (គឺបង្កឡើងដោយខ្លួនឯង) ដែលបើកបរឈ្មោះ រាំ សារ៉ាត ភេទប្រុសអាយុ៣១ឆ្នាំ រស់នៅភូមិមហាលាភត្បូង ឃុំមហាលាភ ស្រុកកោះសូទិន ខេត្តកំពង់ចាម និងមានអ្នករួមដំណើរឈ្មោះ ស៊ន់ ម៉ូលីដា ភេទស្រីអាយុ២៣ឆ្នាំ រស់នៅភូមិមហាលភជើង ឃុំមហាលាភ ស្រុកកោះសូទិន ខេត្តកំពង់ចាម (ត្រូវជាប្រនពន្ធ) រួមនិងព្រូររថយន្តម្នាក់ទៀតមិនស្គាល់អត្តសញ្ញាណ ត្រូវបានគេបញ្ជូនទៅសង្គ្រោះភ្លាមៗនៅមន្ទីពេទ្យបង្អែកខេត្ត ។
ប្រជាពលរដ្ឋនៅចំណុចខាងលើបានបញ្ជាក់ថា ពួកគាត់មានការព្រួយបារម្ភចំនួនសុវត្ថិភាពខ្លាំងណាស់ បន្ទាប់ពីមានករណីចរាចរដ៍រន្ឋត់បែបនេះ កើតឡើងជាបន្តរបន្ទាប់ ។ ពួកគាត់បន្តថា នេះជាលើកទីពីរហើយដែលកាលពីចុងឆ្នាំ២០១៦កន្លងទៅក៍កើតមានករណីស្រដៀងគ្នានេះ ដែលបង្កអោយម្ចាស់ផ្ទះរួម និងអ្នកបើកបររថយន្តរងរបួសធ្ងន់ស្រាល ហើយលើកនេះក៍ដោយសារកាបើកបរលឿនពេកបទផ្លូវកែងមិនទាន់ជ្រុលទៅបុកសរសផ្ទះគេបាក់ហើយក៍ជ្រុលធ្លាក់ចូលទៅជម្រៅផ្នែកខាងក្រោមផ្ទះបណ្តាលមនុស្សនៅក្នុងរថយន្តរហូតទៅដល់បីនាក់ត្រូវបានរុញផ្ទប់គៀបជាប់នៅក្នុងរថយន្តតែម្តង៕
