ខេត្តកោះកុង៖សាកសពក្មេងស្រីម្នាក់ត្រូវបានគេប្រទះឃើញស្លាប់ទាំងអាក្រាតកាយបង្កឲ្យមានការភ្ញាក់ផ្អើល ដែលករណីនេះកើតឡើងកាលពីវេលាម៉ោង១២ថ្ងៃត្រង់ ថ្ងៃទី០៨ ខែកុម្ភៈ ឆ្នាំ២០១៧ ស្ថិតនៅចំណុចក្នុងព្រៃដីថ្មី ស្ថិតក្នុងភូមិព្រែកជីក ឃុំជីខក្រោម ស្រុកស្រែអំបិល ខេត្តកោះកុង។
ជនសង្ស័យដែលត្រូវសមត្ថកិច្ចចាប់ខ្លួនមានឈ្មោះ ខុន ស៊ិញ ភេទប្រុស អាយុ៣០ឆ្នាំ មុខរបរធ្វើចម្ការ ចំណែកឯក្មេងស្រីរងគ្រោះឈ្មោះ ទ.ស.ង អាយុ១៤ឆ្នាំ អ្នកទាំង២ត្រូវជាពូក្មួយនឹងគ្នា។
នៅចំពោះមុខសមត្ថកិច្ចជនសង្ស័យបានសារភាពថា មុនពេលកើតហេតុខ្លួនបានជិះម៉ូតូដឹកក្មួយស្រីទៅឃ្វាលគោត្រលប់មកផ្ទះវិញ ក្រោយពីឃ្វាលគោរួច ខ្លួនក៏បានដឹកក្មេងស្រីទៅកន្លែងឃ្វាលគោម្តងទៀត ពេលទៅដល់កន្លែងខ្លួនក៏បានបបួលក្មួយស្រីរួមភេទតែម្តង តែក្មួយស្រីមិនព្រម ភ្លាមៗនោះជនសង្ស័យក៏បានចាប់រំលោភ ហើយយកខោរឹត.កបណ្តាលឲ្យស្លាប់ទាំងអាក្រាតកាយនៅនឹងកន្លែងតែម្តង៕
