ខេត្តកំពង់ស្ពឺ៖មន្ត្រីអាវុធហត្ថខេត្តកំពង់ស្ពឺបានឲ្យដឹងថា ខ្មាន់កាំភ្លើងមួយក្រុមបើករថយន្តកាមរីគូទស្វិត ពាក់ស្លាកលេខ ខ.ម មួយគ្រឿងបានបាញ់ប្រហារទៅលើអ្នកបើកគោយន្ត២នាក់បណ្តាលឲ្យស្លាប់ម្នាក់ភ្លាមៗ នៅនឹងកន្លែងកើតហេតុ ខណៈម្នាក់ទៀតរងរបួស។ ករណីនេះកើតឡើងនាយប់ថ្ងៃទី៩ ខែកុម្ភ: ឆ្នាំ២០១៧ស្ថិតនៅក្នុងបរិវេណក្រុមហ៊ុន HLH.1 ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
មន្ត្រីដដែលបញ្ជាក់ថា ជនរងគ្រោះឈ្មោះ រ៉េត ភេទប្រុស អាយុ២៦ឆ្នាំ រស់នៅភូមិថ្មគប់ ឃុំអមលាំង ស្រុកថ្ពង បានស្លាប់ និងម្នាក់ទទៀតឈ្មោះ ធី ចាន់ណា អាយុ ៣២ឆ្នាំ រស់នៅភូមិត្បែងប្រជាប់ ឃុំប្រាំបីម៉ុម ស្រុកថ្ពងខេត្តកំពង់ស្ពឺ។
យ៉ាងណាក៏ដោយ សមត្ថកិច្ចមិនទាន់អាចបញ្ជាក់ពីមូលហេតុ ដែលនាំឲ្យមានការបាញ់ប្រហារនេះ កើតឡើងទេ ដោយកំពុងធ្វើការស្រាវជ្រាវសិន៕
