ដោយ៖បក្សីចាំក្រុង
ភ្នំពេញ៖កម្លាំងនគរបាលប៉ុស្តិ៍កន្ទោកធ្វើការឃាត់ខ្លួនជនសង្ស័យចំនួន៤នាក់ដកហូតថ្នាំញៀនមួយចំនួនខណៈពួកគេពួនសំងំប្រើប្រាស់ក្នុងផ្ទះមួយកន្លែង។ ហេតុការណ៍នេះបានកើតឡើងកាលពីវេលាម៉ោង១២ និង៣០នាទីថ្ងៃត្រង់ ថ្ងៃទី៩ ខែកុម្ភៈ ឆ្នាំ២០១៧ នៅចំណុចផ្ទះមួយកន្លែងភូមិគំរាម សង្កាត់កន្ទោក ខណ្ឌពោធិ៍សែនជ័យ។
ជនសង្ស័យទី១ឈ្មោះ សោម វិដែន ភេទប្រុស អាយុ២២ឆ្នាំ ស្នាក់ភូមិស្ងួនពេជ្រ សង្កាត់កន្ទោក ខណ្ឌពោធិសែនជ័យ។ ទី២ឈ្មោះ ម៉ុន ភារម្យ អាយុ១៧ឆ្នាំ ស្នាក់នៅភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ។ ទី៣ឈ្មោះ និល សំណាង អាយុ២៤ឆ្នាំ មុខរបមិនពិតប្រាកដស្នាកនៅ ភូមិគំរាម សង្កាត់កន្ទោក ខណ្ឌពោធិ៍សែនជ័យ។ ទី៤ឈ្មោះ កើត សំអៀង អាយុ១៦ឆ្នាំ ស្នាក់នៅបែកចាន សង្កាត់កន្ទោក ខណ្ឌពោធិ៍សែនជ័យ។
តាមសមត្ថកិច្ចបានអោយដឹងថា ដោយបានទទួលនិងបានសហការពីបងប្អូនប្រជាពល ថាមានក្រុមជនសង្ស័យមួយក្រុមបានធ្វើសកម្មភាពជូញដូគ្រឿងញៀនទើបកម្លាំងនគរបាលចុះប្រតិបត្តិការធ្វើការឆែកឆេដល់ផ្ទះជនសង្ស័យរកឃើញថ្នាំញៀនចំនួន៨កញ្ចប់ក្នុងនោះធំ២កញ្ចប់ និងសំភារៈប្រើប្រាស់មួយចំនួន។
ក្រោយពីការឃាត់ខ្លួនជនសង្ស័យទាំង៤នាក់ត្រូវបានកម្លាំងនគរបាលប៉ុស្តិ៍កន្ទោកយកទៅសាកសួរនិងកសាងសំណុំរឿងបញ្ជួនទៅអធិការដ្ឋាននគរបាលខណៈពោធិ៍សែនជ័យចាត់ការបន្ត៕
