ខេត្តស្ទឹងត្រែង៖ឈើគ្រញូងប្រហែលជិត១តោន និងរថយន្ត ឡិចស៊ីស៤៥០មួយគ្រឿងត្រូវបានកម្លាំងអាវុធហត្ថលើផ្ទៃប្រទេសសហការជាមួយកម្លាំងករាជអាវុធហត្ថខេត្តស្ទឹងត្រែងចុះបង្ក្រាបខណៈកំពុងធ្វើចរាចណ៍លើដងផ្លូវជាតិលេខ៧៨ពីថ្ងៃ១៤ ខែកុម្ភៈ ឆ្នាំ២០១៧ នៅចំណុចវាលរំពេរឋិតនៅភូមិកាតូត ឃុំកំភុន ស្រុកសេសាន ខេត្តស្ទឹងត្រែង។
សមត្ថកិច្ចអោយដឹងថា រថយន្តដែលបង្ក្រាបបានខាងលើជារថយន្តម៉ាកឡិចស៊ីស៤៥០ ពណ៌ខ្មៅពាក់ស្លាកលេខភ្នំពេញ2E-3170បានដឹកឈើគ្រញូងពីស្រុកថាឡាបរិវ៉ាត់គោលបំណងឆ្ពោះទៅកាន់ប្រទេសវៀតណាម។ តែរថយន្តដឹកឈើគ្រញូងនោះបានបញ្ឆោតសមត្ថកិច្ចនៅចំណុចអូរពងមាន់ធ្វើដំណើទៅខេត្តក្រចេះរួចបកត្រលប់ក្រោយឆ្ពោះទៅខេត្តរតនគិរី។ ដោយមានការសង្ស័យថា រថយន្តនោះអាចនឹងបន្លំដឹកឈើទើបកម្លាំងសមត្ថកិច្ចក៏បានប្រដេញស្ទាក់ចាប់បានតែម្តង រីឯតៃកុងបានរត់គេចខ្លួនបាត់ស្រមោលភ្លាមៗតែម្ដង។
សមត្ថកិច្ចអោយដឹងទៀតថា ក្រោយការបង្ក្រាបសមត្ថកិច្ចបាននាំយករថយន្តដឹកឈើគ្រញូងទៅរក្សាទុកដើម្បីប្រគល់អោយព្រៃ។ លោកបញ្ជាក់ថា ឈើគ្រញូងដែលបង្ក្រាបបាននោះមានចំនួន៨១ដុំស្មើ៧៦៤គីឡូក្រាម ហើយបច្ចុប្បន្នត្រូវបានប្រគល់ទៅអោយជំនាញរដ្ឋបាលព្រៃឈើចាត់ការបន្តតាមនីតិវិធីច្បាប់៕
