សម្តេច ហ៊ុន សែន ប្តឹងលោក គឹម សុខ មួយករណីទៀត
រាជធានីភ្នំពេញ៖កាលពីមព្រឹកមិញសម្តេច ហ៊ុន សែន តាមរយៈមេធាវី លោក គី តិច បានដាក់ពាក្យបណ្តឹងទី២ ទៅអយ្យការអមសាលាដំបូងរាជធានីភ្នំពេញជាផ្លូវហើយ ដោយប្តឹង លោក គឹម សុខ អ្នកវិភាគសង្គម និងនយោបាយ ពីបទ «បានចោទប្រកាន់មកលើរាជរដ្ឋាភិបាលថា រដ្ឋាភិបាលបច្ចុប្បន្ន បានបង្កើតឲ្យមានប្រព័ន្ធមួយ ដែលមានការសម្លាប់មនុស្សហើយ រកមុខឃាតកមិនឃើញ»។
ក្នុងពាក្យបណ្តឹងទី២ សម្តេចតេជោ ហ៊ុន សែន សម្រេចប្តឹងទាមទារសំណងចំនួន១០លានរៀលបន្ថែមលើករណីទី១, បណ្តឹងទី២ប្តឹងពីបទបរិហាកេរ្តិ៍ ដែលបានចោទប្រកាន់មកលើរាជរដ្ឋាភិបាលបច្ចុប្បន្ន បានបង្កើតឲ្យមានប្រព័ន្ធមួយ ដែលមានការសម្លាប់មនុស្ស ហើយរកមុខឃាតកមិនឃើញ»៕
