តុលាការបើកសវនាការកាត់ទោសលោកស្រី ទេព វន្នី
រាជធានីភ្នំពេញ៖តាមការគ្រោងទុកនៅព្រឹកថ្ងៃទី២៣ ខែកុម្ភៈ ឆ្នាំ២០១៧នេះ សាលាដំបូងរាជធានីភ្នំពេញ បើកសវនាការកាត់ទោសលោកស្រី ទេព វន្នី តំណាងសហគមន៍បឹងកក់ បទល្មើសហិង្សាដោយចេតនាមានស្ថានទម្ងន់ទោស។
ជាមួយគ្នានេះពលរដ្ឋមកពីសហគមន៍បឹងកក់បានលើកគ្នាស្រែកតវ៉ានៅមុខសាលាដំបូងរាជធានីភ្នំពេញ ដើម្បីទាមទារឱ្យមានការដោះលែងលោកស្រី ទេព វន្នី ខណៈដែលតុលាការកំពុងតែកាត់ទោសលោកស្រីពាក់ព័ន្ធករណីហិង្សាអំឡុងឆ្នាំ២០១៣។
គួរបញ្ជាក់ថា សវនាការព្រឹកនេះដឹកនាំដោយលោក ឡុង កេសភីរម្យ ជាចៅក្រមជំនុំជម្រះ និង លោក សៀង សុខ ជាតំណាងអយ្យការ៕
