សំណុំរឿង ជួប សម្លាប់ នឹងប្រកាសសាលក្រមនៅថ្ងៃទី២៣ ខែមីនា
រាជធានីភ្នំពេញ៖អ្នកនាំពាក្យសាលាដំបូងរាជធានីភ្នំពេញលោក លី សុផាណា បានថ្លែងប្រាប់ក្រុមអ្នកសារព័ត៌មានបន្ទាប់ពីបើកសវនាការនៅព្រឹកថ្ងៃទី០១ ខែមីនា ឆ្នាំ២០១៧នេះថា ក្រោយពីបញ្ចប់សវនាការរឿងក្តីឃាតកម្មលើលោក កែម ឡី សាលាដំបូងរាជធានីភ្នំពេញបានសម្រេចប្រកាសសាលក្រមនៃសំណុំរឿងនៅព្រឹកថ្ងៃទី២៣ ខែមីនា ឆ្នាំ២០១៧ ខាងមុខនេះ។
លោកបញ្ជាក់ថា នៅក្នុងសវនាការនេះជនជាប់ចោទឈ្មោះ អឿត អាង ហៅ ជួប សម្លាប់ បានសារភាពថា ខ្លួនជាអ្នកបាញ់សម្លាប់ លោកបណ្ឌិត កែម ឡី ដោយសារខឹងលោក កែម ឡី ជំពាក់ប្រាក់មិនសង ហើយអះអាងថា គ្មានអ្នកនៅពីក្រោយខ្នងនៃឃាតកម្មនេះនោះទេ៕
