ISIS វាយប្រហារគេហទំព័រ អង្គការ សហប្រជាជាតិ ប្រចាំនៅកម្ពុជា
ភ្នំពេញ៖ ក្រុមអនាមិក (Hack) ដែលដាក់ឈ្មោះថា Mexicanhackers កាលពីរសៀលថ្ងៃទី១០ ខែកុម្ភៈ ឆ្នាំ២០១៥ បានវាយប្រហារគេហទំព័ររបស់អង្គការសហប្រជាជាតិ ប្រចាំនៅប្រទេសកម្ពុជា (www.un.org.kh)។
ក្រុមវាយប្រហារនេះ បានបង្ហាញ ពីការគាំទ្ររបស់ខ្លួន ចំពោះរដ្ឋឥស្លាម ហើយមានបំណងបង្ហាញសារទៅកាន់ជនជាតិអាមេរិកទាំងឡាយ ។
យោងតាមគេហទំព័ររបស់អង្គការសហប្រជាជាតិ បានបង្ហាញពីក្រុមវាយប្រហារនេះ ដាក់រូបមេដឹកនាំ ៣នាក់ រួមមាន នាយករដ្ឋមន្ដ្រី អ៊ីស្រាអ៊ែល ប្រធានាធិបតី អាមេរិក និងអគ្គលេខាធិការ អង្គការសហ ប្រជាជាតិ ដោយបង្ហាញពី ការមើលងាយ ចំពោះស្ថាប័នពិភពលោកមួយនេះ រួមទាំងអង្គការណាតូ។
ជុំវិញករណីខាងលើនេះ មិនទាន់អាចសុំការបកស្រាយ ពីមន្ដ្រីរបស់អង្គការសហប្រជាជាតិ ប្រចាំនៅកម្ពុជានៅឡើយទេ៕
