ដោយ៖ប៉ែន សុផល
បាត់ដំបង៖ស្ត្រីម្នាក់បានស្លាប់់ភ្លាមៗនៅនិងកន្លែងខណៈដែលកំពុងដើរយកកូនសោទៅអោយប្តីត្រូវបានបែកកំណល់រអិលរថយន្តថយក្រោយមកកិនចំពាក់កណ្តាលខ្លួន។ ហេតុការណ៍គ្រោះថ្នាក់ចៃដន្យខាងលើនេះបានកើតឡើងនៅវេលាម៉ោង៦ និង១៥នាទីព្រឹក ថ្ងៃទី៥ ខែមីនាឆ្នាំ២០១៧ស្ថិតនៅចំណុចភូមស្រែជីពៅ ឃុំមានជ័យ ស្រុកសំឡូត ខេត្តបាត់ដំបង។
សមត្ថកិច្ចប្រាប់អោយដឹងថាជនរងគ្រោះស្លាប់ដោយសាររថយន្តបែកកំំណល់រអិលមកមានឈ្មោះ នៅ ស្រីមុំ ភេទស្រី អាយុ35ឆ្នាំ មុខរបរអាជីវករទិញ ដំឡូង រស់នៅក្នុងភូមិអូរសំរិល ក្រោម ឃុំអូរសំរិលស្រុកសំឡូត ខេត្តបាត់ដំបង ។
ប្រភពនៅកន្លែងកើតហេតុបានប្រាប់ថានៅមុនពេលកើតហេតុគេឃើញរថយន្តម៉ាកHinoពណ៌សមួយគ្រឿងពាក់ស្លាកលេខភ្នំពេញ3C7573បើកបរដោយដឹកដំឡូងពេញឡានលុះមកដល់ចំណុចកើតហេតុខាងលើរថយន្តបានដាច់កាឡេហើយចតចោលលុះក្រោយជនរងគ្រោះដែលជាប្រពន្ធម្ចាស់រថយន្តខាងលើបានជិះម៉ូតូមកឈប់ពីក្រោយឡានរួចដើរទៅយកកូនសោឲ្យប្ដីដើម្បីដោះកាឡេធ្វើពេលដើរទៅស្រាប់តែឡាននោះបែកកំណល់រអិលថយក្រោយជនរងគ្រោះបានរត់ទៅទាញអូសម៉ូតូ ចេញតែសំណាងអាក្រក់ត្រូវបារថយន្តកិនពីលើស្លាប់ភ្លាមៗតែម្ដង ។
បច្ចុប្បន្នសាកសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី៕
