ដោយ៖ប៉ែន សុផល
បាត់ដំបង៖លោក ឡុង សុភឺន អភិបាលស្រុកឯកភ្នំបានដឹកនាំកម្លាំងមន្ត្រីជំនាញរដ្ឋបាលជលផលរួមនិងកំលាំងកងរាជអាវុធហត្ថស្រុក កម្លាំងនៃអធិការដ្ឋាន នគរបាលស្រុកព្រមទាំងកម្លាំងសឹករងស្រុកបានចុះប្រតិបត្តិការបង្ក្រាបបទល្មើសនេសាទខុសច្បាប់ដោយឃាត់ខ្លួនជនសង្ស័យ៦នាក់រួមនិងឧបករណ៍ប្រើប្រាស់ឆក់ត្រីមួយចំនួន។
លោក ណាប់ ស៊ីថា មេបញ្ជាការកងរាជអាវុធហត្ថស្រុកឯកភ្នំបានប្រាប់អោយដឹងថា ក្នុងកិច្ចប្រតិបត្តិការបង្ក្រាបករណីបទល្មើសនាសាទ(ឆក់ត្រី)ខុសច្បាប់ខាងលើនេះបានធ្វើឡើងនៅថ្ងៃទី១៦ ខែមីនា ឆ្នាំ២០១៧ចំនុចបឹងក្រសារស្ថិតក្នុងភូមិព្រែកហ្លួង ឃុំព្រែកហ្លួង ស្រុកឯកភ្នំ ខេត្តបាត់ដំបង។ លោកបន្តថា ក្នុងកិច្ចប្រតិបត្តិការខាងលើនេះដែរក្នុងបទល្មើសជាក់ស្តែងមន្ត្រីជំនាញទាំងអស់បានធ្វើការឃាត់ខ្លួនទៅលើជនសង្ស័យចំនួន៦នាក់ដែលកំពុងធ្វើសកម្មភាពឆក់ត្រីរួមមាន៖
ទី១. ឈ្មោះ ណែម ណាន ភេទប្រុស អាយុ ៤១ឆ្នាំមុខរបរ នេសាទ
ទី២. ឈ្មោះ យី រិទ្ធី ភេទប្រុស អាយុ៥២ឆ្នាំ មុខរបរ នេសាទ
ទី៣. ឈ្មោះ រ៉េត ណាន់ ភេទប្រុស អាយុ៣៧ឆ្នាំមុខរបរ នេសាទ
ទី៤. ឈ្មោះ ពោ ផា អាយុ ភេទប្រុស អាយុ២៦ឆ្នាំ មុខរបរ នេសាទ
ទី៥. ឈ្មោះ ពេជ្រ ញ៉ា ភេទប្រុស អាយុ២៥ឆ្នាំមុខរបរ នេសាទ
ទី៦. ឈ្មោះ ហម ហ៊ត ភេទប្រុស អាយុ៤៧ឆ្នាំមុខរបរ នេសាទ ទាំង ៦នាក់ រស់នៅភូមិ អូកំបុត ឃុំ ព្រែកខ្ពប ស្រុកឯកភ្នំ ខេត្តបាត់ដំបង ។
សំភារះដកហូត រួមមាន ៖
– អាគុយ ០៧គ្រឿង
– អាំងវិចទ័រ ០៦គ្រឿង
– ដងឆក់ ០៦គូរ។
បច្ចុប្បន្នជនសង្ស័យខាងលើក្រោយពីឃាត់ត្រូវបានលោក ឡុង សុភឺន( អភិបាលស្រុក) ធ្វើការអប់រំអោយត្រលប់ទៅលំនៅឋានវិញ ។
ចំណែកសម្ភារឧបករណ៍ប្រើប្រាស់ឆក់ត្រីត្រូវបានរក្សាទុកនៅអធិការដ្ឋាននគរបាលស្រុកឯកភ្នំ៕
