យន្តហោះខ្នាតតូចធ្លាក់ចំផ្ទះផ្ទុះឆេះយ៉ាងសន្ធោសន្ធៅក្នុងរដ្ឋ Georgia
អាមេរិក៖យោងតាមទីភ្នាក់ងារសារព័ត៌មាន Russia Today បានរាយការណ៍នៅព្រឹកថ្ងៃសៅរ៍នេះ ថា យន្តហោះឯកជនខា្នតតូចមួយគ្រឿងបានធ្លាក់លើលំនៅឋានមួយខ្នងបណ្តាលឲ្យបានឆាបឆេះយ៉ាងសន្ធោសន្ធៅ នៅក្នុងទីក្រុង Marietta នៃរដ្ឋ Georgia សហរដ្ឋអាមេរិក។
ពុំទាន់មានសេចក្តីរាយការណ៍ណាមួយបញ្ជាក់ពីការរងរបួស ឬបាត់បង់ជីវិតអ្នកដំណើរនៅក្នុងយន្តហោះនៅឡើយទេ ខណៈភ្នាក់ងារសង្គ្រោះបន្ទាន់កំពុងស្ថិតនៅកន្លែងកើតហេតុ។
អ្នកនាំពាក្យរដ្ឋបាលអាកាសចរណ៍សហព័ន្ធ FAA របស់អាមេរិកបាននិយាយថា យន្តហោះឯកជនធុន Cessna Citation I ដែលអាចផ្ទុកមនុស្សបានពី០៥នាក់ទៅ០៧នាក់នោះ ពេលកំពុងធ្វើដំណើរឆ្ពោះទៅកាន់ព្រលានយន្តហោះ Fulton County បានធ្លាក់នៅភាគខាងកើតព្រលានយន្តហោះ Cobb County នាព្រឹកថ្ងៃសៅរ៍នេះ៕
