មន្ត្រី CNRP ៥រូបនឹងជួបមន្ត្រីក្រសួងមហាផ្ទៃនៅរសៀលនេះ
រាជធានីភ្នំពេញ៖នារសៀលនេះមន្ត្រី CNRP យ៉ាងតិច៥រូប នឹងជួបពិភាក្សាជាមួយតំណាងក្រសួងហាផ្ទៃ ទាក់ទងការធ្វើសមាជវិសាមញ្ញ បោះឆ្នោតជ្រើសរើស ប្រធាន និងអនុប្រធាន ចំនួន៣រូប ដែលក្រសួងមហាផ្ទៃអះអាងថា ផ្ទុយទៅនឹងលក្ខន្តិកៈ របស់គណបក្ស ដែលបានតម្កល់ទុក នៅក្រសួងមហាផ្ទៃ ។
តំណាងក្រសួងមហាផ្ទៃ មានលោក ប្រាក់ សំអឿន អគ្គនាយក នៃអគ្គនាយកដ្ឋានរដ្ឋបាល នៃក្រសួងមហាផ្ទៃ លោកឈឹម កាន ប្រធាននាយកដ្ឋានកិច្ចការ សមាគម និងគណបក្សនយោបាយ និងមន្ត្រីមួយចំនួនទៀត។ ចំណែកសមាសភាព ខាងគណបក្សសង្គ្រោះជាតិ មានដូចជាៈ លោកយ៉ែម បុញ្ញឫទ្ធិ លោកអេង ឆៃអ៊ាង លោកថាច់ សេដ្ឋា លោកផែង ហេង និងលោកស្រី ម៉េង សុធារី ៕
