ឆេះឃ្លាំងលក់ឡានធុនធំមួយកន្លែងខូចខាតឡានមួយចំនួន
រាជធានីភ្នំពេញ៖កាលពីយប់មិញមានករណីឆេះឃ្លាំងលក់រថយន្តធុនធំមួយកន្លែង ធ្វើឱ្យរថយន្តចំនួន៤គ្រឿង និងតួរថយន្តមួយគ្រឿងរងការខូចខាត ។ ហេតុការណ៍នេះ កើតឡើងកាលពីវេលាម៉ោង១១ និង៣០នាទីយប់ថ្ងៃទី៣០ មីនា ស្ថិតនៅតាមបណ្តោយផ្លូវ៥៩៨ ក្នុងចំណុចដីឡូត៍មួយកន្លែង ក្រុម៣ ភូមិពោងពាយ សង្កាត់ទួលសង្កែ ខណ្ឌប្ញស្សីកែវ ។
សមត្ថកិច្ចឲ្យដឹងថា ម្ចាស់ឃ្លាំងរថយន្តមានឈ្មោះ លី អាន ភេទប្រុស អាយុ៤៧ឆ្នាំ ស្នាក់នៅក្នុងកន្លែងកើតហេតុ ខណដែលឃ្លាំងរថយន្តនេះ លក់តែរថយន្តធុនធំៗដូចជារថយន្តហ៊ីយ៉ាន់ដាយ និងរថយន្តកូរ៉េជាច្រើនគ្រឿង មានទាំងរថយន្តថ្មី និងរថយន្តចាស់ផងដែរ៕
