ជំងឺស្កន់ជាន់រើឡើង ពេលកំពុងជិះម៉ូតូរេចង្កូតបុកដើមឈើស្លាប់
ខេត្តប៉ៃលិន៖បុរសម្នាក់បានស្លាប់បាត់បង់ជីវិតភ្លាមៗនៅនឹងកន្លែងគួរឲ្យអាណោចអាធ័ម ខណៈកំពុងតែជិះម៉ូតូសុខៗស្រាប់តែជំងឺស្កន់ជាន់ (ឆ្កួតជ្រូក) រើឡើង បណ្តាលឲ្យរេចង្កូតទៅបុកនឹងដើមឈើពេញទំហឹងតែម្តង។ ហេតុការណ៍គ្រោះថ្នាក់នេះកើតឡើងកាលពីវេលាម៉ោង១១ និង១៥នាទីថ្ងៃទី៣១ ខែមីនា ឆ្នាំ២០១៧ ស្ថិតនៅភូមិសួនអំពៅលិច សង្កាត់ប៉ៃលិន ក្រុងប៉ៃលិន ខេត្តប៉ៃលិន។
ក្រោយកើតហេតុសមត្ថកិច្ចបានចុះមកធ្វើការត្រួតពិនិត្យនៅកន្លែងកើតហេតុ និងបានប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
