ស្លាប់១១នាក់ និងរបួសជាង២០នាក់ករណីបំផ្ទុះនៅស្ថានីយរថភ្លើងក្រោមដី
ម៉ូស្គូ៖អាជ្ញាធររុស្ស៊ីនិយាយថា មនុស្សយ៉ាងតិច១១នាក់បានស្លាប់ និងជាង២០នាក់ ផ្សេងទៀតបានរងរបួសក្នុងហេតុការណ៍ផ្ទុះដ៏ខ្លាំងមួយបានកើតឡើងនៅថ្ងៃចន្ទម្សិលមិញនេះ នៅឯស្ថានីយរថភ្លើងក្រោមដីមួយកន្លែង ស្ថិតនៅក្នុងទីក្រុង Saint-Petersbourg នៃប្រទេសរុស្ស៊ី។
ករណីផ្ទុះនេះបានកើតឡើងនៅវេលាម៉ោង ២ និង៤០នាទីរសៀល ចំពោះពេលដែលការធ្វើចរាចរណ៍មានភាពមមាញឹកខ្លាំង។ ករណីនេះត្រូវបានអាជ្ញាធររុស្ស៊ីចាត់ទុកថា ជាអំពើភេរវកម្ម ហើយថា មិនទាន់មានក្រុមណាមួយចេញមុខមកទទួលខុសត្រូវលើករណីនេះទេ។ នេះបើតាមការចេញផ្សាយដោយសារព័ត៌មាន Russian Today។
គួរបញ្ជាក់ថា ស្ថានីយរថភ្លើងក្រោមដីជាច្រើនកន្លែង ត្រូវបានបិទដំណើរជាបណ្ដោះអាសន្នផងដែរ៕
