ស្លាប់៦នាក់ និងរបួស១៨នាក់ក្នុងករណីបំផ្ទុះគ្រាប់បែកនៅទីក្រុងឡាហ័រ
ប៉ាគីស្ថាន៖ក្រុមតាលីបង់ប៉ាគីស្ថានបានបើកការវាយប្រហារអត្តឃាតទៅលើក្រុមជំរឿនយោធាមួយនៅទីក្រុងឡាហ័រ ស្ថិតនៅភាគខាងកើតប្រទេសប៉ាគីស្ថាន បណ្តាលឲ្យមនុស្សយ៉ាងតិច៦នាក់ និងបណ្ដាលឲ្យមនុស្ស ១៨នាក់ទៀតរងរបួស ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។
អ្នកនាំពាក្យរដ្ឋាភិបាលប្រចាំតំបន់បញ្ចាប លោក ម៉ាលីក អាម៉េដ ខាន់ បាននិយាយថា ការបំផ្ទុះមួយដែលបានវាយប្រហារទៅលើរថយន្តយោធាមួយគ្រឿងនោះ បានសម្លាប់ទាហាន៤នាក់ និងជនស៊ីវិល ២នាក់។ រដ្ឋាភិបាលប្រចាំតំបន់ បានបញ្ជាក់ថា រថយន្តយោធានោះ ស្ថិតក្នុងដំណើរចូលរួមការធ្វើជំរឿនជាលើកដំបូងរបស់ប្រទេសប៉ាគីស្ថានក្នុងរយៈពេលជិត ២ទសវត្សរ៍នេះ៕
