សេអ៊ូល៖អតីតប្រធានាធិបតីកូរ៉េខាងត្បូងលោកស្រី ផាក គឺនហេ និងប្រធានក្រុមហ៊ុន Lotte Group លោក Shin Dong-bin ត្រូវបានក្រុមរដ្ឋអាជ្ញាធរកូរ៉េខាងត្បូងកាលពីម្សិលមិញសម្រចធ្វើការចោទកាន់ជាផ្លូវការលើពីបទប្រព្រឹត្តអំពើពុករលួយ។ នេះបើយោងតាមការសារព័ត៌មាន Channel News Asia។
ក្រុមរដ្ឋអាជ្ញាបានចោទប្រកាន់លោកស្រី ផាក ថា បានផ្សំគំនិតជាមួយមិត្តភក្តិឈ្មោះ ឆយ ស៊ូនស៊ីល ក្នុងការលេបទឹកប្រាក់១៦លានដុល្លារអាមេរិកពីក្រុមហ៊ុន Lotte។ ទន្ទឹមនោះលោកស្រី ផាក ក៏បានទទួលរងការចោទប្រកាន់ទៀតថា បានប្រើប្រាស់អំណាចជាប្រធានាធិបតី កៀបសង្កត់អ្នកជំនួញនានា ឲ្យផ្តល់ជំនួយដល់មូលនិធិសប្បុរសធម៌របស់ ឆយ ស៊ូនស៊ីល ដោយគ្មានមូលដ្ឋាន។
ទោះបីយ៉ាងណាជុំវិញការចោទប្រកាន់ខាងលើក្រុមហ៊ុន Lotte ក៏បានច្រានចោលទាំងអស់ ជាពិសេសគឺទំនាក់ទំនងជាមួយនឹងលោកស្រី ផាក ហើយសូម្បីតែលោកស្រី ផាក ខ្លួនឯង និងលោកស្រី ឆយ ក៏នៅតែបន្តច្រានចោល នូវរាល់ការចោទប្រកាន់ទាំងអស់ផងដែរ៕
