ឆេះព្រះវិហារក្នុងវត្តសន្សំកុសលផ្អើលទាំងព្រឹក
រាជធានីភ្នំពេញ៖មានករណីអគ្គិភ័យមួយបានឆាបឆេះនៅក្នុងព្រះវិហារក្នុងវត្តសន្សំកុសលបង្កឲ្យមានការភ្ញាក់ផ្អើលទាំងព្រឹក ដែលហេតុការណ៍នេះបានកើតឡើងកាលពីព្រឹកថ្ងៃទី២២ ខែមេសា ឆ្នាំ២០១៧ ស្ថិតនៅវត្តសន្សំកុសល ក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ។
គ្រោះអគ្គិភ័យនេះកើតឡើងដោយសារតែរលំទៀនមកលើកំរាលព្រំ ទើបបង្កជាអគ្គិភ័យតែម្តង តែសំណាងល្អមិនបង្កគ្រោះថ្នាក់ធ្ងន់ធ្ងរអ្វីឡើយ។ សមត្ថកិច្ចជំនាញបានឲ្យដឹងថា គ្រោះអគ្គិភ័យបានរលត់ទៅវិញ ដោយប្រើប្រាស់រថយន្តពន្លត់អគ្គិភ័យអស់៣គ្រឿង៕
