ដោយ៖បក្សីចាំក្រុង
ភ្នំពេញ៖រថយន្តម៉ាកសាំយ៉ុង ពណ៌ខៀវមួយគ្រឿង ត្រូវបានបងប្អូនប្រជាពលរដ្ឋ ឃើញចតទុកចោល អស់រយៈពេល៤យប់៤ថ្ងៃទៅហើយ នៅតែមិនឃើញម្ចាស់មកយកទៀត មិនដឹងថារថយន្តមានបញ្ហាអ្វី ហើយម្ចាស់ក៏មិនដឹងថាទៅដល់ទីណា? តាំងម៉ោង២០ថ្ងៃទី៦ខែឧសភាឆ្នាំ២០១៧ ដោយមានការសង្ស័យឡើងៗ ទើបប្រជាពលរដ្ឋរាយការណ៍ទៅនគរបាលឲ្យចុះទៅពិនិត្យមើល ក៏មានការភ្ញាក់ផ្អើលតែម្តងនៅវេលាម៉ោង៩និង៣០នាទីព្រឹកថ្ងៃទី១០ខែឧសភា ឆ្នាំ២១០៧ នៅក្នុងបុរីឯករាជ្យ២ មុខផ្ទះលេខ៤៤L ផ្លូវបេតុងលេខ១ ភូមិព្រៃព្រីងជើង សង្កាត់ចោមចៅ ខណ្ឌពោធិសែនជ័យ ។ រថយន្តខាងលើម៉ាកសាំយ៉ុង ពណ៌ខៀវ ពាក់ស្លាកលេខ កំពង់ស្ពឺ 2A-1458 មិនស្គាល់ម្ចាស់។
តាមប្រជាពលរដ្ឋនៅក្បែរនោះបានឲ្យដឹងថា រថយន្តខាងលើត្រូវបានគេឃើញ បើកយកមកចតចំណុចខាងលើកាលពីវេលាម៉ោង៨យប់ថ្ងៃទី០៦ ខែឧសភាមកម្លេះ មិនបានចាប់អារម្មណ៍ ក្រោយពីអ្នកបើក បើកទុកចោលហើយ ស្មានតែព្រឹកឡើងមកយកចេញ ផ្ទុយទៅវិញអស់រយៈពេល៤យប់៤ថ្ងៃទៅហើយនៅតែមិនឃើញម្ចាស់ទៀត ទើបនៅវេលាម៉ោង៩និង៣០នាទីព្រឹកថ្ងៃទី១០ នេះនាំគ្នារាយការណ៍ប្រាប់សមត្ថកិច្ចឲកយចុះពិនិត្យមើលជាក់ស្តែង។
រថយន្តខាងលើ បើតាមពិនិត្យមើលជាក់ស្តែងផ្នែកខាងក្នុងមាន កម្ទេចកម្ទី សំបកផ្លែឈើ បន្សល់ទុក សង្ស័យជារថយន្តទើបទំនិញផ្លែឈើ ក្រោយពេលពិនិត្យរថយន្តខាងលើហើយ រកម្ចាស់មិនឃើញ ទើបនគរបាល អូសរថយន្តខាងលើយកទៅរក្សាទុកនៅប៉ុស្តិ៍នគរបាលចោមចៅ រង់ចាំស្រាវជ្រាវរកម្ចាស់ជាក្រោយ៕
