អាជ្ញាធរកម្ពុជាបណ្តេញជនជាតិនីហ្សេរីយ៉ា និងកូរ៉េចំនួន១១នាក់
រាជធានីភ្នំពេញ ៖ កម្លាំងនគរបាលនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃបានបណ្តេញបុរសជនជាតិនីហ្សេរីយ៉ា១០នាក់ និងជនជាតិកូរ៉េ១នាក់ទៅកាន់ប្រទេសកំណើតវិញ ក្រោយពីបានរកឃើញថា ពួកគេបានលួចចូលមកស្នាក់នៅ និងបំពេញការងារដោយខុសច្បាប់នៅក្នុងប្រទេសកម្ពុជា។
ក្រុមមន្ត្រីជំនាញបានឲ្យដឹងថា ជនជនជាតិនីហ្សេរីយ៉ាចំនួន ១០នាក់ ត្រូវបានសមត្ថកិច្ចបណ្តេញចេញនៅវេលាម៉ោង៥ និង៣០នាទីល្ងាច ទៅតាមជើងហោះហើរលេខ QR៩៧១។ ចំណែកជនជាតិកូរ៉េម្នាក់ទៀតធ្វើការបណ្តេញចេញនៅវេលាម៉ោង១១និង០០នាទីយប់ ថ្ងៃដដែល ទៅតាមជើងយន្តហោះលេខ OZ៧៤០៕
