ក្រចេះ ៖ កម្លាំងនរគបាលការិយាល័យប្រឆាំងបទល្មើសគ្រឿងញៀនខេត្តក្រចេះបានបញ្ជូនជនសង្ស័យបួននាក់ពាក់ព័ន្ធករណីជួញដូរនឹងរក្សាទុកខុសច្បាប់នូវសារធាតុញៀននឹងវត្ថុតាងមួយចំនួនទៅកាន់តុលាការនៅព្រឹកថ្ងៃទី២៩ខែឧសភាឆ្នាំ២០១៧នេះ។
លោកគង់ស៊ីដនប្រធានករិយាល័យប្រឆាំងគ្រឿងញៀនៃស្នងការដ្ឋាននរគបាលខេត្តក្រចេះបានបញ្ជាក់ប្រាប់កាសែតរស្មីកម្ពុជាតាមទូរស័ព្ទឲ្យដឹងថាកម្លាំងនរគបាលស្រុកស្នួលបានចុះប្រតិបត្តិការឃាត់ខ្លួនជនសង្ស័យបួននាក់។
ការឃាត់ខ្លួននេះពីរកន្លែងផ្សេងគ្នាក្នុងថ្ងៃតែមួយនៅចំណុចភូមិឃ្សឹមក្រៅឃុំឃ្សឹមស្រុកស្នួលខេត្តក្រចេះៗ។ប្រភពដដែលបានបានបន្តថាជនសង្ស័យទី១ឈ្មោះហ៊នតូណាភេទប្រុសអាយុ៣០ឆ្នាំរស់នៅភូមិឃ្សឹមក្រៅឃុំឃ្សឹមនិងជនសង្ស័យទី២ឆាយឆាហៅវើងភេទប្រុសអាយុ២៩ឆ្នាំជនជាតិខ្មែររស់នៅភូមិព្រែកក្ដីឃុំស្នួលស្រុកស្នួលខេត្តក្រចេះ។
ក្នុងការឃាត់ខ្លួនជនសង្ស័យកម្លាំងនគរបាលបានដកហូតវត្ថុតាងបានថ្នាំញៀនចំនួនមួយកញ្ចប់(ម៉ាទឹកកក)ម៉ូតូស្គុបពីមួយគ្រឿងពណ៌សរសេរីឆ្នាំ២០១៣ស្លាកលេខកំពងចាម1H4319ប្រាក់រៀលចំនួន១៥៣.៥០០ដាវមួយដើមទូរសព្វ័ចំនួន២គ្រឿងនិងសម្ភារៈជក់គ្រឿងញៀនមួយចំនួនទៀត។
នរគបាលស្រុកស្នួលបានបន្តទៀតថាលុះដល់ម៉ោង១០យប់ថ្ងៃដដែលកម្លាំងរបស់ឃាត់ខ្លួនបានជនសង្ស័យចំនួន២នាក់ទៀតនៅចំណុចផ្សារស្នួលភូមិក្បាលស្នួលស្រុកស្នួល។ជនសង្ស័យទី១ឈ្មោះផៃរិទ្ធីភេទប្រុសអាយុ២០ឆ្នាំរស់នៅភូមិព្រែកក្ដីឃុំស្នួល។ទី២ឈ្មោះវឹងពេជ្រភេទប្រុសអាយុ១៧ឆ្នាំរស់នៅភូមិក្បាលស្នួលឃុំស្នួលនិងដកហូតវត្ថុតាងបានរួមមានម្ស៉ៅគ្រាមពណ៌សសង្ស័យគ្រឿងញៀនប្រភេទមេតំហ្វេតាមីនចំនួន២កញ្ចប់ធំថ្នាំគ្រាប់ពណ៌ក្រហមប្រភេទWYចំនួន១គ្រាប់ជញ្ជីងសម្រាប់ថ្លឹងគ្រឿងញៀនចំនួនមួយគ្រឿងទូរស័ព្វដៃចំនួន៣គ្រឿងកាបូបលុយចំនួនមួយលុយចំនួន៧០.០០០រៀលនិងម៉ូតូមួយគ្រឿងម៉ាកToday។
បច្ចុប្បន្នជនសង្ស័យទាំង៤នាក់ខាងលើត្រូវបានឃាត់ខ្លួនបណ្តោះអាសន្ននៅការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តក្រចេះកំពុងកសាងសំណុំរឿងបញ្ជូនជនសង្ស័យបួននាក់ទៅកាន់សាលាដំបូងខេត្តក្រចេះនៅថ្ងៃទី២៩ខែឧសភាឆ្នាំ២០១៧ដើម្បីចាត់ការតាមនីតិវិធីច្បាប់៕
