ក្រុងប៉េកាំងៈ ទីប្រឹក្សាកំពូលសន្តិសុខជាតិនៃសេតវិមានបាននិយាយឯជំនួបមួយជាមួយ ក្រុមមន្ត្រីនៅក្រុងប៉េកាំងថា ការបំពេញទស្សនកិច្ចរបស់ប្រធានាធិបតីលោក បារ៉ាក់ អូបាម៉ា ទៅកាន់ប្រទេសចិននាពេលខាងមុខនេះគឺជា«ព្រឹត្តិការណ៍ដ៏សំខាន់»មួយនៅក្នុងចំណងទាក់ទងអាមេរិក-ចិន។
ដំណើរទស្សនកិច្ចរបស់លោកស្រី Susan Rice ជាទីប្រឹក្សាសន្តិសុខជាតិ និយាយថា កើតឡើងចំពេលច្របូកច្របល់មួយក្នុងគោលនយោបាយការបរទេសរបស់អាមេរិកនិង ត្រឹមតែ២សប្តាហ៍ក្រោយពីក្រុងវ៉ាស៊ីនតោន បានចោទប្រកាន់យន្តហោះប្រតិកម្មរបស់ចិនមួយគ្រឿងជុំវិញការហោះហើរនៅ ក្បែរយន្តហោះឈ្លបយកការណ៍របស់ខ្លួននៅក្នុងចំណោមយន្តហោះរបស់ខ្លួន ជាច្រើនគ្រឿងនោះ។
ទស្សនកិច្ចនេះ បានកើតឡើងនៅមុនជំនួបកំពូលតទល់រវាងលោក អូបាម៉ា និងលោក ស៊ី ជីនភីង ដែលត្រូវបានគ្រោងធ្វើឡើងស្របនឹងដំណើរទស្សនកិច្ចរបស់មេដឹកនាំ អាមេរិកទៅចូលរួមជំនួបកំពូលកិច្ចសហប្រតិបត្តិការសេដ្ឋកិច្ច អាស៊ីប៉ាស៊ីហ្វិក(APEC)នៅក្រុងប៉េកាំងក្នុងខែវិច្ឆិកា។
លោកស្រី Rice បាននិយាយនៅពេលបើកជំនួបជាមួយក្រុមប្រឹក្សារដ្ឋរបស់ចិនលោក Yang Jiechi និងឯកអគ្គរដ្ឋទូតចិនប្រចាំនៅអាមេរិកលោក Cui- Tiankai ថា លោក អូបាម៉ា-«មើលឃើញទស្សនកិច្ចនេះជាព្រឹត្តិការណ៍ដ៏សំខាន់មួយនៅក្នុង ការបង្កើតទំនាក់ទំនងយ៉ាងសំខាន់របស់យើង។
លោកស្រី បានបន្ថែមថា៖ «លោកប្រធានាធិបតីបានស្នើឲ្យខ្ញុំធ្វើដំណើរមកកាន់ទីនេះថ្វីដ្បិត តែមានបញ្ហាជាច្រើនទៀតអំពីរបៀបវារៈពិភពលោករួមគ្នាក្តីដោយសារ អាទិភាពដែលលោកបានភ្ជាប់ទៅនឹងទំនាក់ទំនងអាមេរិក-ចិនក្តី។
លោក Yang បាននិយាយថា លោកទន្ទឹងរង់ចាំពិភាក្សាអំពីផលប្រយោជន៍សំខាន់ៗ និងកង្វល់ធំៗរបស់ចិន ដែលនឹងដោះស្រាយពីភាពខ្វែងគំនិតជុំវិញបញ្ហាជាក់ស្តែងនានាដើម្បី ធានាថា ទំនាក់អាមេរិក-ចិននឹងបន្តដំណើរការទៅមុខរហូត»។
ដំណើរទស្សនកិច្ចនេះដែលត្រូវបានរំពឹងទុកថា រាប់បញ្ជូលទាំងជំនួបជាមួយលោកស៊ីនិងរដ្ឋមន្ត្រីការបរទេសចិនលោក វ៉ាង យី គឺជាទស្សនកិច្ចទី១មួយរបស់លោកស្រីទៅចិនក្នុងនាមជាទីប្រឹក្សា សន្តិសុខជាតិ។ ទស្សនកិច្ចនេះដែរ ទំនងជាសញ្ញាមួយកំពុងត្រូវបានរុញឲ្យចូលក្នុងវិបត្តិថ្មីនៅ មជ្ឈិមបូព៌ា៕ ប្រភព ៖ ភ្នំពេញប៉ុស្តិ៍
លោកស្រី Susan Rice(ឆ្វេង)និងលោកYang Jiechi (ស្តាំ)។ AFP
