ករណីធ្លាក់យន្តហោះយោធាភូមា រកឃើញសាកសព៣១នាក់ហើយ
ភូមា ៖ ទីភ្នាក់ងារព័ត៌មាន Reuters បានរាយការណ៍ថា ប្រតិបត្តិការជួយសង្គ្រោះ និងរុករក បានឈានចូលដល់ថ្ងៃទីបី និងសាកសពសរុបចំនួន៣១នាក់ ត្រូវបានរកឃើញ ក្នុងករណីធ្លាក់យន្តហោះយោធាមួយគ្រឿង របស់ប្រទេសភូមា មានផ្ទុកមនុស្សចំនួន១២២នាក់ នៅសមុទ្រ Andaman ភាគខាងត្បូងប្រទេសនេះ។
ទោះជាយ៉ាងណាគេពុំទាន់បានដឹងច្បាស់នៅឡើយទេថា មានការប្រទះរកឃើញសាកសពជនរងគ្រោះបន្ថែមទៀតដែរឬក៏អត់នោះ គិតចាប់តាំងតែពីព្រឹករហូតមកទល់ រាត្រីថ្ងៃសុក្រនេះ ខណៈកងនាវាជើងទឹករបស់យោធាមីយ៉ាន់ម៉ាចំនួន០៨គ្រឿង រួមជាមួយទូកនេសាទរបស់ប្រជាជនស៊ីវិល ប្រមាណ២០គ្រឿងទៀត នៅតែកំពុងបន្តធ្វើប្រត្តិបត្តិការតាមស្វែងរកជនរងគ្រោះ ក៏ដូចជាបំណែកយន្តហោះយ៉ាងសកម្មដដែល ទោះបីជាអាកាសធាតុមានភាពលំបាកយ៉ាងណាក្តី៕
