ពលរដ្ឋរស់នៅអគារប៊ូឌីញ២៣៧គ្រួសារហើយព្រមទទួលសំណង
រាជធានីភ្នំពេញ ៖ គិតត្រឹមវេលាម៉ោង ៥ និង៣០នាទី ល្ងាចថ្ងៃទី០៩ ខែមិថុនា ឆ្នាំ២០១៧ម្សិលមិញនេះពលរដ្ឋរស់នៅអគារប៊ូឌីញ «ស» ចំនួន២៣៧គ្រួសារហើយបានយល់ព្រមទទួលយកប្រាក់សំណងនិងរុះរើសម្ភារចេញពីលំនៅដ្ឋាន។
តាមប្រភពព័ត៌មានបានឲ្យដឹងថា ប្រជាពលរដ្ឋបានព្រមលក់ក្នុងតម្លៃ១,៤០០ដុល្លារ ក្នុងមួយម៉ែត្រការ៉េ ជូនទៅក្រុមហ៊ុន Arakawa របស់ប្រទេសជប៉ុនដែលគ្រោងនឹងចំណាយថវិកាសាងសង់ ប្រមាណ ៧០-៨០លានដុល្លារអាមេរិកអភិវឌ្ឍន៍ទៅជាអគារពាណិជ្ជកម្មបែបទំនើបមួយ មានកម្ពស់ ២១ជាន់។
សូមជម្រាបថា អគារប៊ូឌីញ «ស» ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញមានទំហំសរុបចំនួន ៤៩៣ឯកតា និងមានប្រជាពលរដ្ឋរស់នៅចំនួន៤៩៣គ្រួសារ៕
