ភ្នំពេញ៖ ថ្នាក់ដឹកនាំ នៃគណបក្សប្រជា ជនកម្ពុជា ដឹកនាំដោយ លោក ស ខេង ឧបនាយក រដ្ឋមន្ត្រី និងជារដ្ឋមន្ត្រីក្រសួងមហាផ្ទៃ, លោកស្រី ម៉ែន សំអន ឧបនាយករដ្ឋមន្ត្រី, លោក គាត ឈន់ ឧបនាយករដ្ឋមន្ត្រី និងឧបនាយករដ្ឋមន្ត្រី ប៊ិន ឈិន ,លោក ព្រុំ សុខា។
ថ្នាក់ដឹកនាំគណបក្សសង្គ្រោះជាតិ ដឹកនាំដោយ លោក សម រង្ស៊ី ប្រធានសភាភាគតិច, លោក យឹម សុវណ្ណ, លោក គួយ ប៊ុនរឿន, លោក ហូរ វ៉ាន់, លោក កឹម សុខា, លោក យ៉ែម ប៉ុញ្ញរិទ្ធ។
បន្ទាប់ពីចប់ជំនួបពិភាក្សាថ្នាកដឹកនាំកំពូល នៃគណបក្សទាំងពីរ ៤ម៉ោង លោក ស ខេង និងលោក សម រង្ស៊ី រួចមកបានចេញមកធ្វើសន្និ សិទកាសែតរួមគ្នាបញ្ជាក់អំពីលទ្ធ ដែលបានព្រមព្រៀងជាមួយ។
នៅក្នុងឱកាសនោះ លោក សម រង្ស៊ី បញ្ជាក់ថា ក្រុមតំណាងរាស្ត្រ នៃក្រុមចរចាទាំងពីរគណបក្ស បានពិភាក្សាគ្នាបញ្ចប់លើចំណុចសេសសល់ ដោយស្មារតីរួមរួមជាតិ និងវប្បធម៌សន្ទនាគ្នា ទៅមកនូវលទ្ធផលវិជ្ជមាន និងខ្មែរគ្រប់និន្នការ និងគ្រប់គណបក្សនយោបាយរួមគ្នាធ្វើការ។
លោកឧបនាយករដ្ឋមន្ត្រី ស ខេង មានប្រសាសន៍បញ្ជាក់ថា ថ្នាក់ដឹកនាំគណបក្សទាំងពីរបានពិភាក្សាគ្នាបញ្ចប់រាល់បញ្ហានៅសេសសល់ អស់ហើយដោយការទទួលខុសត្រូវ។
លោកឧបនាយករដ្ឋមន្ត្រី មានប្រសាសន៍បញ្ជាក់បន្តថា ច្បាប់នេះ និងចូលជាធរមាននៅពេលខាងមុខ។
ជាមួយគ្នានោះដែរ លោកឧបនាយករដ្ឋមន្ត្រី ស ខេង និងលោក សម រង្ស៊ី បានចុះហត្ថលេខារួមគ្នាលើសេចក្តីប្រកាសរួម ស្តីពីលទ្ធផល នៃកិច្ចប្រជុំរវាងថ្នាក់ដឹកនាំតំណាងរាស្ត្រ នៃគណបក្សប្រជាជនកម្ពុជា និងគណបក្សសង្គ្រោះជាតិ។
ខាងក្រោមនេះ ជាខ្លឹមសារទាំងស្រុង នៃសេចក្ដីប្រកាសរួមស្ដីពីលទ្ធផល នៃកិច្ចប្រជុំរវាងថ្នាក់ដឹកនាំតំណាងរាស្ដ្រ នៃគណបក្សប្រជាជនកម្ពុជា និងគណបក្សសង្គ្រោះជាតិ៖
