រថយន្តដឹកសាំងបុករ៉ឺម៉កបណ្តាលឲ្យស្លាប់ម្នាក់ របួស២នាក់
ខេត្តបាត់ដំបង ៖ បុរសម្នាក់ស្លាប់ភ្លាមៗ នៅកន្លែងកើត ខណៈដែល២នាក់ផ្សេងទៀតរងរបួសធ្ងន់ក្នុងករណីគ្រោះថ្នាក់រវាងរថយន្តដឹកសាំងបុករ៉ឺម៉កពេញទំហឹង ដែលករណីនេះកើតឡើងកាលវេលាម៉ោង១១ និង៣០នៅថ្ងៃទី២៨ ខែកក្កដា ឆ្នាំ២០១៧នេះ ស្ថិតនៅស្ពានលេខ២ ក្នុងភូមិរាមគុណ ឃុំគៀ ស្រុកកមោងឫស្សី ខេត្តបាត់ដំបង។
តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញមានរថយន្តស៊ីទែនដឹកសាំងបើកបរបញ្ចាសទិសគ្នា ជាមួយរ៉ឺម៉កជិតគ្នា៣នាក់។ ប្រភពបន្តថា លុះមកដល់ចំណុចកើតហេតុ ដោយស្រាប់តែរ៉ឺម៉កបទចូលក្នុងផ្លូវលំក៏ត្រូវរថយន្តស៊ីទែនសាំងបុកពេញទំហឹងតែម្តង បណ្តាលឲ្យអ្នកជិះលើរ៉ឺម៉កស្លាប់ម្នាក់ និងរងរបួសធ្ងន់២នាក់៕
