ខេត្តបាត់ដំបង ៖ បុរសម្នាក់ត្រូវរថយន្តមនម៉ាកមួយគ្រឿងបុកពីក្រោយបណ្តាលឲ្យរងរបួសធ្ងន់ ខណៈកំពុងជិះម៉ូតូចេញមកពីហូបស៊ុបជាមួយក្រុមគ្រួសាររួចត្រឡប់មកផ្ទះ ដែលករណីនេះកើតឡើងនៅវេលាម៉ោង២០ និង៤៥ថ្ងៃទី២៧ ខែសីហា ឆ្នាំ២០១៧ តាមបណ្តោយផ្លូវជាតិលេខ០៥ ត្រង់ចំណុចមុខវត្តសូរិយា ភូមិគារ៣ ឃុំគារ ស្រុកមោងឫស្សី ខេត្តបាត់ដំបង។
ជនរងគ្រោះឈ្មោះ ប៉ិច ផល្លី ភេទប្រុស អាយុ៣៦ឆ្នាំមុខរបរ ជាគ្រូបង្រៀន រស់នៅភូមិរាមគន់ ឃុំគារ ស្រុកមោងឫស្សី ខេត្តបាត់ដំបង បណ្តាលអោយមនុស្ស០១នាក់របួស (ធ្ងន់ ) ជិះម៉ូតូសង់កូរ៉េ ពណ៌ក្រហម ពាក់ស្លាកលេខបាត់ដំបង១N-២៧៥៩។ ចំណែករថយន្តបង្កបើករត់គេចខ្លួនបាត់ស្រមោល។
បច្ចុប្បន្នជនរងគ្រោះត្រូវក្រុមគ្រួសារបញ្ជូនមកមន្ទីរពេទ្យបង្អែកស្រុកមោងឫស្សី រួចបញ្ជូនបន្តទៅមន្ទីរពេទ្យខេត្តបាត់ដំបង ចំណែកម៉ូតូត្រូវបានប៉ូលិសយករក្សាទុកនៅអធិការមោងឫស្សី៕
