ព្រះរាជអាជ្ញាទៅសួរចម្លើយលោក កឹម សុខា នៅពន្ធនាគារត្រពាំងថ្លុង
រាជធានីភ្នំពេញ ៖ អ្នកនាំពាក្យតំណាងអយ្យការអមសាលាដំបូងរាជធានីភ្នំពេញបានបញ្ជាក់ប្រាប់អ្នកសារព័ត៌មានថា កាលពីម្សិលមិញតំណាងអយ្យការបញ្ចប់ការសាកសួរ និងពិនិត្យភស្តុតាងលើសំណុំរឿង លោក កឹម សុខា នៅពន្ធនាគារត្រពាំងថ្លុង ហើយការសាកសួរនោះនឹងបន្តធ្វើនៅថ្ងៃនេះបន្តទៀត ។
លោក កឹម សុខា ប្រធានគណបក្សសង្គ្រោះជាតិ ត្រូវបានកម្លាំងសមត្ថកិច្ចចាប់ខ្លួននៅវេលាម៉ោងប្រមាណ ១២៖៣៥នាទីរំលងអាធ្រាត្រ ឈានចូលថ្ងៃទី០៣ ខែកញ្ញា ឆ្នាំ២០១៧ នៅផ្ទះរបស់លោកស្ថិតនៅក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ ក្រោយពីមានការបែកធ្លាយវីដេអូមួយបង្ហាញថា លោកសារភាពអំពីការឃុបឃិតជាមួយសហរដ្ឋអាមេរិក ក្នុងការផ្តួលរំលំរដ្ឋាភិបាលស្របច្បាប់របស់កម្ពុជា៕
