សម្តេច ហ៊ុន សែន សម្រេចឧបត្ថម្ភថវិកាសម្រាប់កម្មការិនីឆ្លងទន្លេ៤០ម៉ឺនរៀល
រាជធានីភ្នំពេញ ៖ នាយករដ្ឋមន្ត្រីនៃកម្ពុជា បានប្រកាសដាក់ចេញគោល នយោបាយថ្មីរបស់ រាជរដ្ឋាភិបាលថា នឹងឧបត្ដម្ភថវិកាដល់កម្មការិនីឆ្លងទន្លេចំនួន ៤០ម៉ឺនរៀល សម្រាប់អ្នកសម្រាលបានកូនម្នាក់ ។ ចំណែកកម្មការិនីដែលសម្រាលបានកូនភ្លោះពីរនាក់ ទទួលបាន ៨០ម៉ឺនរៀល និងសម្រាប់អ្នកសម្រាលបានកូនភ្លោះបី ១,២០០,០០០រៀល។ គោលនយោបាយឧបត្ថម្ភសម្រាប់កម្មការិនីសម្រាលកូននេះនឹងចាប់អនុវត្តចាប់ពីថ្ងៃទី០១ ខែមករា ឆ្នាំ២០១៨ តទៅ ។ ការប្រកាសបែបនេះធ្វើឡើងកាលពីម្សិលមិញ ខណៈដែលសម្តេចជួបសំណេះសំណាលជាមួយកម្មករ-កម្មការិនីនៅសួនឧស្សាហកម្មកាណាឌីយ៉ា៕
