ខេត្តបាត់ដំបង ៖ ទីតាំងភ្នាល់ល្បែងស៊ីសងចាក់បាល់តាមប្រពន្ធ័អ៊ីនធឺណិតខុសច្បាប់ ចំនួន៣ កន្លែង នៅក្នុងក្រុងបាត់ដំបង ត្រូវបាន ក្រុមអន្តរាគមមន៍បង្ការ បង្ក្រាប នៃស្នងការដ្ឋាននគរបាលខេត្តបាត់ដំបងដឹកនាំដោយលោកឈឿង គឹមសុង ប្រធានក្រុម និង កំលាំងការិយាល័យជំនាញ បានចុះបង្ក្រាប នៅវេលាម៉ោង១៣:០០នាទី ថ្ងៃទី២៤ ខែកញ្ញា ឆ្នាំ២០១៧ ។
ទីតាំងទី១ ស្លាកយីហោ All Day ស្ថិតនៅក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។ ឃាត់ខ្លួនមុនស្ស ចំនួន២នាក់ ស្រី១នាក់ ប្រុស១នាក់។ ទីតាំងទី២ ស្លាកយីហោ Olala ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។ ឃាតខ្លួនមនុស្សចំនួន៧នាក់ប្រុស ៥នាក់ ស្រី ២នាក់ និងទីតាំងទី ៣ ស្លាកយីហោ 6666 ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ឃាត់ខ្លួនបុរសចំនួន ១១នាក់។ ចំណែកវត្ថុតាងដែលដកហូតទាំង៣ទីតាំងរួមមាន៖ ម៉ាស៊ីន ( ខិសកុំព្យូទ័រ ) ៥២គ្រឿង ម៉ាស៊ីន ( ម៉ូនីទ័រ ) ៥២គ្រឿង ម៉ាស៊ីន (ហាត់ឌឺស) ៣គ្រឿង។
បច្ចុប្បន្នក្រុមបង្ការបង្ក្រាបបានបញ្ជូនឲ្យទៅការិយាល័យជំនាញដើម្បីចាត់ការតាមនីតិវិធី៕
