មនុស្សស្លាប់ក្នុងគ្រោះរញ្ជួយនៅម៉ិចស៊ីកូកើនឡើងដល់៣២០នាក់
ម៉ិចស៊ីកូ ៖ ទីភ្នាក់ងារសារព័ត៌មាន Reuters ចេញផ្សាយនៅព្រឹកនេះថា ចំនួនមនុស្សស្លាប់ក្នុងគ្រោះរញ្ជួយដីកម្រិតធ្ងន់កាលពីថ្ងៃអង្គារសប្តាហ៍មុន នៅតំបន់ភាគកណ្តាលប្រទេសម៉ិចស៊ីកូ បានកើនឡើងដល់៣២០នាក់ហើយ ខណៈដែលជាច្រើននាក់ទៀត កំពុងជាប់ក្រោមគំនរអគារបាក់រលំ ដែលក្រុមភ្នាក់ងារជួយសង្គ្រោះនៅតែបន្តខិតខំស្វែងរក។
អាជ្ញាធរម៉ិចស៊ីកូបានិយាយថា មនុស្សជាងពាក់កណ្តាលនៃចំនួនអ្នកបាត់បង់ជីវិតខាងលើ គឺជាប្រជាជនរស់នៅក្នុងរដ្ឋធានីម៉ិចស៊ីកូស៊ីធី (Mexico City) ដែលមានចំនួន១៨០នាក់។ ចំណែកឯមនុស្សជាច្រើននាក់ទៀត ត្រូវគេជឿជាក់ថា កំពុងជាប់នៅក្រោមគំនរអគារ ដួលរលំដោយសារគ្រោះរញ្ជួយដីដ៏ប្រល័យក្នុងរយៈពេលជាង ៣២ឆ្នាំមកនេះ៕
