គ.ជ.ប ៖ គិតត្រឹមថ្ងៃទី២៤ ខែកញ្ញា ពលរដ្ឋខ្មែរជិត២សែននាក់បានទៅចុះឈ្មោះបោះឆ្នោតថ្មី
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ឲ្យដឹងថា គិតត្រឹមថ្ងៃទី២៤ ខែកញ្ញា ឆ្នាំ២០១៧ មានប្រជាពលរដ្ឋខ្មែរចំនួន ១៩៧,០៨៥នាក់បានទៅចុះឈ្មោះបោះឆ្នោតថ្មី ខណៈអ្នកដែលត្រូវលុបឈ្មោះចេញមានចំនួន៥៤៣នាក់។
តាមការប៉ាន់ស្មានរបស់ គ.ជ.ប ប្រជាពលរដ្ឋខ្មែរដែលត្រូវមកចុះបោះឆ្នោត ក្នុងបញ្ជីចុះឈ្មោះបោះឆ្នោតថ្មី ឆ្នាំ២០១៧ មានជាង១.៦លាននាក់ ខណៈប្រជាពលរដ្ឋខ្មែរ ដែលមានអាយុ១៨ឆ្នាំឡើងទៅ ត្រូវបានប៉ាន់ស្មានថា មានប្រមាណ៩.៨លាននាក់។
គួរបញ្ជាក់ថា ដំណើរការធ្វើបច្ចុប្បន្នភាពបញ្ជីបោះឆ្នោត និងការចុះឈ្មោះបោះឆ្នោតថ្មីឆ្នាំ២០១៧ ចាប់ពីថ្ងៃទី១ ដល់ ថ្ងៃទី២៤ ខែកញ្ញា ឆ្នាំ២០១៧៕
