អភិបាលរាជធានីភ្នំពេញសម្រេចផ្លាស់ប្ដូរភារកិច្ចប្រធានផ្សារ២រូប
រាជធានីភ្នំពេញ ៖ អភិបាលរាជធានីភ្នំពេញ បានចេញសេចក្ដីសម្រេចផ្លាស់ប្ដូរភារកិច្ច ប្រធានផ្សារ២រូប គឺប្រធានផ្សារដេប៉ូនិងប្រធានផ្សារដើមគរ ក្នុងនោះដោយកំណត់ឲ្យប្រធានផ្សារដេប៉ូ ទៅធ្វើជាប្រធានផ្សារដើមគរ ហើយប្រធានផ្សារដើមគរ ត្រូវមកធ្វើជាប្រធានផ្សារដេប៉ូវិញ។
តាមសេចក្ដីសម្រេចរបស់អភិបាលរាជធានីភ្នំពេញ បាន បញ្ជាក់យ៉ាងដូច្នេះថា «លោក សេង សារ៉ន ពីប្រធានគណៈគ្រប់គ្រងផ្សារដើមគរ មកជាប្រធានគណៈគ្រប់គ្រងផ្សារដេប៉ូ និងលោក ឈួន ឆាយារិទ្ធ ពីប្រធានគណៈគ្រប់គ្រងផ្សារដេប៉ូ មកជាប្រធានគណៈគ្រប់គ្រងផ្សារដើមគរ ៕
