ខេត្តបាត់ដំបង ៖ រថយន្តម៉ាកហ៊ីយ៉ានដាយក្រុមហ៊ុនដឹកស្រាបៀរអង្គរ បានបុករថយន្ត បន្តកន្ទុយគ្នា៤គ្រឿង ដោយបុករថយន្តស្របទិស១គ្រឿងនិងរ៉េទៅបុករថយន្តបញ្ច្រាសើទិស២គ្រឿង បណ្តាលឲ្យ
របួសមនុស្ស ប្រុស ស្រាល៣នាក់។ ករណីនេះកើតឡើងកាលម៉ោង១២ និង២០នាទថ្ងៃទី១ ខែតុលា ឆ្នាំ២០១៧(តាមបណ្តោយផ្លូវជាតិលេខ៥)នៅចំនុចក្រុម២ ភូមិស្រះកែវឃុំកំពង់ព្រះ ស្រុកសង្កែ ខេត្តបាត់ដំបង។
ប្រភពពីសមត្ថកិច្ចបានឲ្យដឹងថា រថយន្តម៉ាកហ៊ីយ៉ានដាយបង្ក គ្រោះថ្នាក់ចរាចរណ៍ស្លាកលេខតាកែវ3A0788 (ក្រុមហ៊ុនស្រាបៀអង្គរ) ជាអ្នកបង្ក បានបុករថយន្តហាយលិនឌ័យ (គ្មានស្លាកលេខ) ពីក្រោយ ហើយរថយន្តម៉ាកហ៊ីយ៉ានដាយបានបានរ៉េចង្កូត ទៅឆ្វេងដៃជ្រុលទៅបុករថយន្តកាមរី (ខាងស្តាំ បញ្ច្រាស់ទិស)១គ្រឿងទៀត ហើយរថយន្តកាមរីត្រូវរថយន្តហាយព្រីតបានបុកពីក្រោយរបន្ត។ ក្នុងហេតុការណ៍នេះបង្កឲ្យរបួសស្រាល៣នាក់ប្រុស។
សមត្ថកិច្ចចរាចរណ៍ស្រុកសង្កែសន្និដ្ឋានថាករណីគ្រោះថ្នាក់ចរាចរណ៍បង្កឡើងដោយ ក្រុមហ៊ុនស្រាបៀអង្គរ។ក្រោយកើតហេតុសមត្ថកិច្ចប្រមូលរថយន្តទាំង៤គ្រឿងមករក្សាទុកនៅអធិការដ្ឋានស្រុកសង្កែរង់ចាំការដោះស្រាយជាក្រោយ៕
